ශ්රියානි විජේසිංහ –
සෞඛ්ය අමාත්යංශය, මුදල් අමාත්යංශය කරන ලද ඉල්ලීමට සාවධානව ඇහුම්කන් දී තාවකාලිකව නතර කළ දීප ව්යාප්ත සෞඛ්ය වැඩ වර්ජනය පෙබරවාරි 01වන දින නැවත ආරම්භ කරන බව සෞඛ්ය වෘත්තීය සමිති සන්ධානය පවසයි.
සෞඛ්ය කාර්ය මණ්ඩලය සඳහා ආර්ථික යුක්තිය ඉටුකිරිම උදෙසා ලබා දුන් යෝජනාවලිය පිළිබඳ එකඟතාවන් ලබා දීමට ජනාධිපතිවරයා ලංකාවට පැමිණි පසුව සිදුකරන බව සෞඛ්ය සහ මුදල් අමාත්යංශ පැවසුවද වර්ජන ක්රියාමාර්ගය අත්හිටුවා සති දෙකක ගතවී ඇතත් මේ වන තෙක් කිසිදු ප්රතිචාරයක් නොලැබුණු බව සන්ධානයේ කැඳවුම්කරු රවී කුමුදේශ් පවසා සිටියි.
සාකච්ඡා මාර්ගයෙන් ගැටලු විසදා ගැනීම සඳහා බලධාරීන්ගේ මැදිහත් වීම ඉතා අවම මට්ටමක පවතින බැවින් අද (30) සෞඛ්ය අමාත්යංශය අවට රෝහල්හී කාර්ය මණ්ඩල සහභාගිත්වයෙන් පැවැත්වූ උද්ඝෝෂණයට වගකිවයුතු පාර්ශ්ව වෙතින් විසදුමක් නොලැබෙන්නේ නම් පෙබරවාර් 01 වන දින සිට අඛණ්ඩ වැඩ වර්ජනයකට සහභාගී වීමට සන්ධානයේ විධායක සභාව ඒ්කමතිකව තීරණය කළේ යැයිද හෙතෙම පෙන්වාදේ.
