ශ්රියානි විජේසිංහ –
මේ වසරේ ඔක්තෝම්බර් මාසය දක්වා ගත වූ කාලය තුලදී එච්අයිවී ඒඩ්ස් රෝගින් 485ක් අලුතින් හඳුනා ගත් බව ලිංගාශ්රිත සහ එඩ්ස් මර්දන වැඩසටහන සඳහන් කරයි.
මෙසේ හදුනාගත් පුද්ගලයින් අතර පාසල් දරුවන් ද අයත් වයස අවුරුදු 15 – 24 වයස් කාණ්ඩයේ පසුවන්න්ද සැලකිය යුතු සංඛ්යාවක් සිටින බව හෙළි වි ඇත.
මේ තත්ත්වය පිලිබඳව වැඩි අවධානයක් යොමු කළ යුතු බව ඒඩ්ස් මර්ධන වැඩසටහනේ අධ්යක්ෂිකා ප්රජා වෛද්ය විශේෂඥ ජානකි විදානපතිරණ පැවසුවාය.
වසර 2021දි රෝගින් 411ක් හදුනා ගත් අතර එය වසර 2022 දී 607ක් දක්වා වැඩිවී ඇති බවත් මෙය සියයට 48ක් වැඩිවිමක් බවත් ඇය පෙන්වාදේ.
වසර 2022දී ඇස්තමේන්තු කර ඇති එච්අයිවී රෝගීන්ගේ සංඛ්යාව 4100 ක් වුවද එතරම් සංඛ්යාවක් හඳුනා ගැනීමට නොහැකි වූ බව ද අධ්යක්ෂවරිය පවැසුවාය.
වසර 2025 වන වන විට එච්අයිවී සමග ජිවත්වන පිරිස සියයට 95 ක් සොයා ගත යුතු වන අතර වසර 2022 වන විට අපට සොයා ගැනීමට හැකිව ඇත්තේ සියයට 86ක් ප්රතිශතයක් යැයිද ඇය පෙන්වාදේ.
එච්අයිවී ආසාදිතයන් වෙනුවෙන් මෙතෙක් කලක් භාවිත කළ ඖෂධ වර්ග කීපය වෙනුවට දැන් එක් ඖෂධයක් තුළ එම වර්ග කීපයම ඇතුළත් වන සේ එක් ඖෂධයක් නිර්මාණය කර ඇති බැවින් රෝගීන් එය භාවිත කිරීම ඉතා පහසුවන බවත් එම ඖෂධය වෛද්ය නිර්දේශයන් මත දිනපතා ලබා ගත යුතු දෙයක් බවත් එසේ වුවහොත් පමණක් ඒඩ්ස් රෝගීන්ගේ සංඛ්යාව වරස2030 වන විට 0.00්1 දක්වා වන ඉලක්කය කරා ලඟා විය හැකි බවත් විශේෂඥවරිය පවසයි.
ඒ සදහා අවදානම් ලිංගි හැසීරීම්වල නිරත වන්නන් වහාම රුධිර පරික්ෂාවකට යොමුවන්නැයිද වෛද්ය විදානපතිරණ ඉල්ලීමක් කරයි..
එඩ්ස් රෝගීන් හදුනා ගැනීම සදහා සිදුකරන සියලුම පරික්ෂණ සහ ඖෂධ ප්රතිකාරයන් රජය නොමිලේ සිදුකරන බැවින් අවදානම් ලිංගික හැසිරීම්වල යෙදෙන පිරිස් වහාම ඉදිරිපත් වන්නැයිද ඔවුන්ගේ රහස්යභාවය ආරක්ෂා කිරීමට සෞඛ්ය කාර්ය මණ්ඩලය බැදී සිටින්නේ යැයි ද ඇය ප්රකාශ කර සිටියි.
මේ අදහස් පල කළේ ලෝක ඒඩ්ස් දිනය නිමිත්තෙන් සෞඛ්ය ප්රවර්ධන කාර්යාංශයේ පැවති මාධ්ය හමුවකදීය.
