අද (22) පැවැත්විමට නියමිත පාසල් ක්රිකට් සංගමයේ නිලවරණයේ බල පොරය බලු පොරයක් බවට පත් වී ඇති ආකාරය වාර්තා වේ.
පන්සියයකට අධික පාසල් නියෝජිතයන් සහභාගී වීමට නියමිත මෙම නිලවරණයේ දි දෙපිරිසක් අතර නිර්මාණය වි ඇති බල පොරය උග්ර වී ඇති බවත්, එක් එක් නිල තල සඳහා ඉදිරිපත් වී ඇති එක් පාර්ශ්වයක ගුරුවරුන්ට ඔවුන්ගේ පාසල්වල විදුහල්පතිවරුන් ලවා විවිධ බලපෑම් කිරීමටත් ඔවුන්ව බිය ගන්වා තරගයෙන් ඉවත් කිරීමටත් අනෙක් පාර්ශය උත්සාහ කරනා බවත් අභ්යන්තර ආරංචි මාර්ග කියයි.
මෙම නිර්දය බලපෑම් සිදුකරනු ලබන්නේ විදුහල්පතිවරයෙක් වූ හිටපු සභාපති වරයකු වන අතර මෙවර ඔහු උප සභාපති ධූරයකට තරග වදින බව එම ආරංචි මාර්ග කියයි. හිටපු ලේකම් වරයකු මෙම හිටපු සභාපතිවරයාගේ පාර්ශ්වයෙන්ම මෙවර උප ලේකම් ධූරයට තරග වදිමින් ඇත.
මොවුන් දෙදෙනාම ඔවුන් ප්රධාන නිලවල සිටියදී ක්රිකට් ආයතනයේ අනුග්රහයෙන් විදෙස් සංචාර රැසක නිරත වූවෝ වෙති.
මෙම හිටපු සභාපති වරයා පාසල් වලට බෙදා දීමට ඉන්දියාවෙන් ගෙන්වීමට නියමිත ක්රිකට් උපකරණ තෝරා ගැනීමට ඉන්දියාවට ගොස් පැමිණ ඇත්තේ මීට දින කිහිපයකට පෙරය.
