පාකිස්ථානයේ දේවස්ථානයකට පහරදී ඉතා දරුණු ආකාරයේ වෙඩ් තැබීමේ සිද්ධියකට සැකපිට පුද්ගලයෙකුට එරෙහිව ත්රස්ත පනත යටතේ නඩුගොන කර ඇත.
දේවගැති යුනිස් ජාවෙඩ් විසින් කරන ලද පැමිණිල්ලකට ප්රතිචාර වශයෙන් ත්රස්ත විරෝධී පනත සහ තවත් චෝදනා කිහිපයක් යටතේ ඛන්නා පොලිස් ස්ථානය මගින් මෙම නඩුව ගොනු කර ඇත. ඒ අනුව මෙ වෙඩි තැබීමේ සිද්ධිය සම්බන්ධයෙන් විමර්ශන ත්රස්ත මර්දන දෙපාර්තමේන්තුවට භාරදී ඇති බවටද පාකිස්ථාන මාධ්ය වාර්තා කරයි.
පොලිස් නිලධාරීන් ඩෝන් පුවත්පතට පැවසුවේ සිද්ධය සම්බන්ධයෙන් පුද්ගලයින් තිදෙනෙකු නම් කර පැමිණිලි ඉදිරිපත් කර ඇති වුවත් මෙතෙක් කිසිවෙකු අත්අඩංගුවට ගෙන නොමැති බවයි.
පොලිසියට ඉදිරිපත් කළ පැමිණිල්ලට අනුව, දේවගැතිවරයාගේ දියණිය සහ ඇගේ සහෝදරයා පින්ඩෝරියන් හි පල්ලියකට යමින් සිටියදී පුද්ගලයන් හතර දෙනෙකු බාධා කර ලිංගික අතවර කර ඇත.
දැරියගේ සොහොයුරා ඔවුන්ට හිරිහැර කිරීම නවත්වන ලෙස ඉල්ලා සිටි විට පහර දුන් අවස්ථාවේදී අදාල පිරිස විසින් මෙම පහරදීම සිදුකර ඇති බවට දැනට වාර්තාවන බව පාකිස්ථාන මාධ්ය වාර්තා අනාවරණය කරයි. පසුව, 40 දෙනෙකුගෙන් යුත් කණ්ඩායමක් බැතිමතුන් දේවස්ථානය තුළ යාච්ඤා කරමින් සිටියදී ප්රහාරයක් එල්ල කර ඇති අතර පසුව එම පරිශ්රය අපවිත්ර කර, ඉවක් බවක් නොමැතිව වෙඩි තැබීමක් සිදු කළ බවද පාකිස්ථාන මාධ්ය සඳහන් කරයි. .
සිද්ධිය සැලවීමත් සමඟ පොලිසිය එම ස්ථානයට ගිය නමුත් ඒ වන විටත් ප්රහාරකයින් පලාගොස් තිබු බව පොලිසිය සඳහන් කර ඇත.