ලලිත් චාමින්ද
එක්සත් ජාතින්ගේ සංවර්ධන වැඩසටහන මගින් පසුගිය රජයේ පාලන කාලය තුළදි පළාත් පාලන ආයතන 134ක ප්රාදේශිය ආපදා අවදානම් අවම කිරිමේ සැලසුම් සකස් කිරිමට රුපියල් මිලියන 40ක ප්රතිපාදන ලබා දි තිබුණද ව්යාපෘතිය අවසන්වනවිට සකස්කොට ඇත්තේ සැලසුම් 32ක් පමණක් බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
මෙකි ව්යාපෘතිය තුළ පළාත් නියෝජ්ය අධ්යක්ෂක කාර්යාල 4ක් පිහිටුවිම සදහා රුපියල් මිලියන 04 මුදල් ප්රතිපාදන වෙන්කර තිබුණි. එහෙත් එම මුදලින් රුපියල් හතලිස් එක් ලක්ෂ නව දහසක මුදලක් (4,109,000) වැයකොට ලැප්ටොප් පරිගණක 10ක් මිලදිගෙන තිබුණි.
කොන්ත්රාත් පදනම මත කාර්යය මණ්ඩලය සඳහා බඳවා ගැනිම වෙනුවට ආපදා කළමනාකරණ මධ්යස්ථානයේ ස්ථිර කාර්ය මණ්ඩලය සඳහා රුපියල් එක්ලක්ෂ විසි අට දහස්, එකසිය තිස් හතරක මුදලක් (128,134) ගෙවිම්කොට ඇති බවද විගණන වාර්තාවේ සඳහන් වේ.
ව්යාපෘතිය සදහා ප්රතිපාදන ලැබි තිබියදී දුර්වල කළමනාකරණ තිරණ හේතුවෙන් අපේක්ෂිත ප්රගතිය ළගා කරගැනිමට නොහැකිවි තිබුණි.
ආපදා කළමනාකරණ මධ්යස්ථානය සම්බන්ධයෙන් 2024 වර්ෂයට අදාළව නිකුත්කොට ඇති විගණන වාර්තාවේ මෙම තොරතුරු ඇතුළත්ව ඇත.
