ලලිත් චාමින්ද
ශ්රී ලංකා පොලිසිය විසින් පොලිස් සැරයන් හා පොලිස් කොස්තාපල් නිලධාරින් සඳහා හිස්වැසුම් 75000ක් මිලදී ගැනීමේ ප්රසම්පාදන ක්රියාවලියේ දි වූ අවිධිමත්භාවය හේතුවෙන් අදාල සැපයුම්කරුට මෙම වර්ෂයේ (2023) ජනවාරි මස 25 වැනිදින වන විට රුපියල් විසිඑක්කෝටි,අනූතුන් ලක්ෂ,පනස්හත්දහස්, හත්සියපහළොවක (219,357,715) මුදලක් ගෙවීමට සිදුවෙතැයි ඇස්තමේන්තුකර තිබු බව ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
පොලිස් සැරයන් හා පොලිස් කොස්තාපල් නිලධාරින් සඳහා හිස්වැසුම් 75000ක් රුපියල් නමකෝටි, තිස්හතරලක්ෂ, පනස්පන්දහස්, එකසියදහනමයකට (93,455,119) මිලදී ගැනීම සඳහා 2011 වර්ෂයේ දි ප්රසම්පාදන කටයුතු ආරම්භකොට තිබුණි. ප්රසම්පාදන ක්රියාවලියේ දී සිදුව තිබූ අවිධිමත් කරුණු නිසා බේරුම්කරණයේ දි 2017 වර්ෂයේ දි ජනවාරි 21 වැනි දින ලබා දී තින්දුවට අනුව හිස්වැසුම් 75000ක් සදහා වූ මුදල සහ ඒ සඳහා අනිකුත් ගාස්තු සැපයුම්කරුට ගෙවීම ශ්රි ලංකා පොලිසිය විසින් ප්රතික්ෂේපකොට තිබුණි. පොලිසිය විසින් මේ සම්බන්ධයෙන් අඛණ්ඩව අධිකරණ ක්රියාමාර්ගයක යෙදි තිබූ බවද විගණන වාර්තාවේ සඳහන් වේ.
සැපයුම්කරුගේ ගබඩාගාස්තු, නීති ගාස්තු හා විනිමය අනුපාත වැඩිවිමේ අවාසියද ශ්රී ලංකා පොලිසිය විසින් දැරිය යුතු බවට සැපයුම්කරු ඉල්ලා තිබුණි. ඒ අනුව අදාල සැපයුම්කරුට මෙම වර්ෂයේ (2023) ජනවාරිමස 25 වැනි දින වන විට රුපියල් විසිඑක්කෝටි,අනුතුන් ලක්ෂ,පනස්හත්දහස්,හත්සියපහළොවක (219,357,715) මුදලක් ගෙවිමට සිදුවෙතැයි ඇස්තමේන්තුකර තිබුණි.
ප්රසම්පාදන ක්රියාවලියේ අවිධිමත්භාවයට හා දිර්ඝ කාලයක් ගතවීමෙන් පසු සමතයකට එකගවීම යන කරුණු සම්බන්දයෙන් වගකිවයුත්තන් හඳුනා ගැනීමට කටයුතු කර නොතිබූ බවද විගණනය මගින් අනාවරණය කොට ඇත. ශ්රී ලංකා පොලිසියේ 2022 වර්ෂය සදහා වූ කාර්යසාධන වාර්තාවේ ඇතුළත් විගණන වාර්තාව මගින් මෙම තොරතුරු අනාවරණය කොට තිබුණි.
