ජනාධිපති ගෝඨාභය රාජපක්ෂ ඉල්ලා අස්වීමේ ලිපිය භාර නොදෙන්නේ නම් වැඩ බලන ජනාධිපතිවරයෙක් පත් කර ඇති බැවින් ඔහු ධුරය හැර ගියා සේ සලකා කටයුතු කිරීමට අවශ්ය නීතිමය ප්රතිපාදන සොයා බලමින් සිටින බව කතානාය මහින්ද යාපා අබේවර්ධන පවසයි.
තමන් මේ අවස්ථාවේදී දැඩි පීඩනයකට පත් වී සිටින බවත් ඉතා ඉක්මනින් ඉල්ලා අස්වීමේ ලිපිය නිකුත් කරන බව ජනාධිපතිවරයා දැනුම් දුන් බවත් එය එසේ වනු ඇතැයි බලාපොරොත්තුෙවන බවත් කතානායකවරයා ප්රකාශ කර තිබේ.
ගෝඨාභය රාජපක්ෂ පසුගිය 09 වැනිදා ප්රකාශයක් කරමින් 13 දා ඉල්ලා අස්වන බව කීවේය. අනතුරුව රටින් පලාගොස් මාලදිවයිනේ ලැගුම් ගත්තේය. ඊයේ සවස පක්ෂ නායකවරුන් ඇමතූ කතානායක මහින්ද යාපා අබේවර්ධන පැවසුවේ ජනාධිපතිවරයා සිංගප්පූරුව තෙක් ගමන් ගන්නා බවත් සිංගප්පූරුවට ගිය වහාම සිය ඉල්ලා අස්වීම නිකුත් කිරීමට සූදානම් බවත්ය.
එහෙත් ජනාධිපතිවරයා මාලදිවයිනේම රැඳී සිටිමින් සිංගප්පූරු ගමන පමා කරන බව ලංකාසර අද උදෑසන වාර්තා කළේය. මේ තත්ත්වය හමුවේ සිය වැඩබලන ජනාධිපති ධුරයේ ස්ථාවරව කටයුතු කරන රනිල් වික්රමසිංහ කතානායකවරයාට නියෝගයක් ලබා දෙමින් පවසා ඇත්තේ පාර්ලිමේන්තුවේ බහුතරය කැමති පුද්ගලයෙක් අගමැතිවරයා ලෙස පත් කරගන්නා ලෙසය.
එහෙත් ඊයේ පක්ෂ නායක රැස්වීමේ දී ප්රධානම විරෝධය මතුවන්නේ අගමැති හා වැඩබලන ජනාධිපති රනිල් වික්රමසිංහටය. ඔහු ජනාධිපතිවරයාට පෙර ඉල්ලා අස්වී ව්යවස්ථාව අනුව වඩාත් සාධාරණ විකල්පය වූ කතානායකවරයා වැඩබලන ජනාධිපතිවරයා ලෙස කටයුතු කරමින් පිළිගතහැකි ස්ථාවර විසඳුමක් රටට ලබා දිය යුතු බවය.
අගමැතිවරයා රටේ බලය අත්පත් කරගෙන සිටින්නේ ජනතා විරෝධයක් මතුකරමින් ඇති වකවානුවක බව ඔහු රට තවත් ව්යසනයකට ලක් කරන බවත් පක්ෂ නායකයින් කතානායකට දන්වා ඇත.
කෙසේ වෙතත් පලාගිය ජනාධිපති ගෝඨාභය රාජපක්ෂ කුමණ රටක හෝ ස්ථාවරව තහවුරුවන තුරු සිය ජනාධිපති ධූරය අත් නොහරිනු ඇතැයි අභ්යන්තර ආරංචි මාර්ග කියයි.
