ඉන්දුනීසියාවේදී අත්අඩංගුවට ගෙන පසුව ශ්රී ලංකාවට භාර දුන් කෙහෙල්බද්දර පද්මේ ඇතුළු සංවිධානාත්මක අපරාධකරුවන් පස්දෙනා සම්බන්ධයෙන් අද (31) අධිකරණයට වාර්තාවක් ඉදිරිපත් කරන බව ශ්රී ලංකා පොලිසිය පවසයි.
පොලිසිය පවසන්නේ වැඩිදුර ප්රශ්න කිරීම සඳහා රැඳවුම් නියෝග ලබා ගැනීමට අපේක්ෂා කරන බවය.
කෙහෙල්බද්දර පද්මේ, කමාන්ඩෝ සලින්ත සහ පානදුර නිලංග යන අය දැනට අපරාධ පරීක්ෂණ දෙපාර්තමේන්තුව (CID) භාරයේ සිටින අතර, තැඹිලි ලහිරු සහ බැකෝ සමන් බස්නාහිර පළාත් උතුරු අපරාධ කොට්ඨාසය භාරයේ සිටිති.
ශ්රී ලංකා පොලිසිය, ඉන්දුනීසියානු පොලිසිය සහ ජාත්යන්තර පොලිසිය එක්ව සිදු කළ ඒකාබද්ධ මෙහෙයුමකදී අගෝස්තු 29 වන දින සැකකරුවන් ඉන්දුනීසියාවේදී අත්අඩංගුවට ගන්නා ලදී.
මේ අතර, අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් බැකෝ සමන්ගේ බිරිඳගෙන් තවදුරටත් ප්රශ්න කරනු ලබන බව පොලිසිය පැවසීය.
