සෑම වසරකම මාර්තු 08 වනදාට යෙදෙන ජාත්යන්තර කාන්තා දිනයේදී පාකිස්තාන කාන්තාවන් විසින් සංවිධානය කරනු ලබන ‘Aurat March’ හි සංවිධායකයින් 2022 සඳහා වන පාගමන “යලි සිතීම සහ යුක්තිය” යන තේමාව කේන්ද්ර කරගනිමින් පැවැත්වීමට තීරණය කර තිබේ.
ප්රකට සමාජ ක්රියාකාරිනියක් වන Sheema Kermani පසුගිය දා කරච්චි පුවත්පත් සමාජයේ පැවති මාධ්ය හමුවකට එක් වෙමින් පැවසුවේ පකිස්තානයේ කාර්මික ක්ෂේත්රයේ අඩකට ආසන්න ප්රමාණයක් නියෝජනය කරන කාන්තාවන්ගේ ආරක්ෂාව,වැටුප් ,සමානාත්මතාවය,ලිංගික හිංසනයන් පිටුදැකීම අරමුණු කරගනිමින් මෙවර පාගමන සංවිධානය වන බවයි.
මෙවර පාගමනේ දී කාන්තාවන්ට එරෙහි ප්රචන්ඩ ක්රියා වෙනුවෙන් මරණ දණ්ඩනය සහ සිර දඩුවම් ලබාදීම වැනි කෙටි කාලීන විසඳුම්වලට වඩා පීතෘමූලික ප්රචණ්ඩත්වය වළක්වන ව්යුහාත්මක ප්රතිසංස්කරණ වෙනුවෙන් පෙනී සිටින බව ද එහි සංවිධායකයෝ පවසති.
‘Aurat March’ පා ගමන සදහා සෑම වර්ෂයකදීම දහස් ගණනක් කාන්තාවන් සම්බන්ධ වන අතර ඔවුහු එහිදී නගර ගණනාවක දී විරෝධතා සහ පාගමන් සංවිධානය කරමින් කාන්තා අයිතිවාසිකම් වෙනුවෙන් පෙනී සිටිති.
පකිස්තානයේ කාන්තා අයිතිවාසිකම් මේ වන විට දැඩි තර්ජනයකට මුහුණ දී තිබෙන අතර අගමැති ඉම්රාන් ඛාන් ප්රමුඛ ආණ්ඩුව කාන්තාවන් දෙවැනි පෙළෙහි ලා සළකන බව එරට කාන්තා සංවිධානවල අදහස වී තිබේ.
