කීර්ති ප්රනාන්දු –
නොරොච්චෝලේ ගල් අඟුරු බලාගාරයේ එක් ජනන යන්ත්රයක් හෙට සිට අක්රීය කිරීමත් සමගම ජාතික විදුලිබල පද්ධතියට පද්ධතියට අහිමිවන මෙගාවොට් 270ක ප්රමාණය පූරණය කරගැනීම සඳහා කැලණිතිස්ස සංයුක්ත බාලාගාරය පද්ධතියට එක් කිරීම ප්රායෝගිකම ක්රියාමාර්ගය බව ලංවිම තාක්ෂණික ඉංජිනේරු හා අධිකාරී සංගමයේ සභාපති ඒජීයූ නිශාන්ත පවසයි.
විකල්ප බලශක්තිය වන නැප්තා ඉන්ධනය භාවිතා කර ක්රියාත්මකවන කැලණිතිස්ස සංයුක්ත බලාගාරය මෙගාවොට් 165ක ධාරිතාවෙන් යුතුය.
සභාපතිවරයා පවසන්නේ වසර හතරකට වරක් ගල් අඟුරු බලාගාරයක සිදුවිය යුතු ප්රධාන නඩත්තු ක්රියාවලිය පසුගිය වකවානුවේ මග හැරී තිබුණු බවය.
ඒ අනුව මේ වසරේ ජනන යන්ත්ර දෙකක් සඳහා නඩත්තු කටයුතු සැලසුම් කර ඇති බවත් ගල් අඟුරු හිඟයත් හේතු කරගෙන ඉන් එක් යන්ත්රයක නඩත්තුව පෙරට ගෙන ඇති අයුරු ඔහු පවසයි.
කෙසේ වෙතත් මාසයක කාලයක් මේ ජනන යන්ත්රය අක්රීය කර නඩත්තු කටයුත්ත කරනු ඇතියි සභාපතිවරයා පවසයි.
විදුලි බල හා බලශක්ති ඇමතිවරයා ඊයේ පුවත්පත් මාධ්ය සාකච්ඡාවක් පවත්වමින් ප්රකාශ කළේ ලබන ජූනි මස සිට එක් ජනන යන්ත්රයක් දින 180ක් පුරා නඩත්තු කටයුත්තක් වෙනුවෙන් අක්රීය කරන බවය.
මෙම අක්රීය වීම හේතුවෙන් විදුලි කප්පාදුවේ වෙනසක් සිදුනොවනු ඇති බව ලංකා විදු බල මණ්ඩලය පවසයි.
