ඉන්දීය ආරක්ෂක අමාත්ය රාජ්නාත් පසුගියා ඉන්දු-පැසිෆික් කලාපීය සංවාදය අමතමින් නීති මත පදනම් වූ ඉන්දු-පැසිෆික් කලාපයක අවශ්යතාවය අවධාරණය කළේය.
එහිදී අමාත්යවරයා පෙන්වා දෙනු ලැබුවේ “ඉන්දියාව නිදහස්, විවෘත සහ නීති මත පදනම් වූ ඉන්දු-පැසිෆික් කලාපයක් වෙනුවෙන් අඛණ්ඩව පෙනී සිටින බවයි.
අමාත්ය රාජ්නාත් සිං ඉන්දු-පැසිෆික් කලාපීය සංවාදයේ ප්රධාන දේශනය අතරතුර 2018 ජූනි මස සිංගප්පූරුවේ ෂැංග්රි-ලා සංවාදය අතරතුර අග්රාමාත්ය නරේන්ද්ර මෝදිගේ ප්රකාශය උපුටා දක්වමින් ඉන්දු-පැසිෆික් කලාපය පිළිබඳ ඉන්දියාවේ දැක්ම ඉස්මතු කළේය.
ඒ අනුව අමාත්යවරයා සඳහන් කර සිටියේ, ‟ඉන්දියාව ප්රගතිය සහ සෞභාග්යය පිළිබඳ පොදු ලුහුබැඳීමකදී සියල්ලන් සමඟින්ම සමීපව කටයුතු කිරීමට ඉදිරිපත් වෙනවා. නිදහස්, විවෘත සහ සියලුදෙනා ඇතුළත් ඉන්දු-පැසිෆික් කලාපයක් වෙනුවෙන් පෙනී සිටින බව අග්රාමාත්යවරයා ප්රකාශ කළා. සමෘද්ධිය සහ ආරක්ෂාව සඳහා අපට අවශ්ය වන්නේ සංවාදයක් තුළින් පොදු නීති රීති මත පදනම් වූ ක්රමවේදයක් සකස් කිරීමයි, ” යනුවෙනි.
ආරවුල් සහ එකඟ නොවීම් විසඳීමට සහ කලාපීය හෝ ගෝලීය වැඩසටහනක් ඇති කිරීමට ඇති එකම ශිෂ්ට යාන්ත්රණය වන්නේ සංවාදය බව රාජ්නාත් සිං අවධාරණය කළේය. ඔහු පසුගියදා බාලි හි පැවති G-20 සමුළුව අතරතුර ඉන්දීය අග්රාමාත්යවරයාගේ පණිවිඩය උපුටා දක්වමින් “යුද්ධයේ යුගය අවසන් වී ඇත. එය ලෝක නායකයින් විසින් ප්රතිරාවය කරන ලදී.” යනුවෙන්ද සඳහන් කළේය.
එහිදී අමාත්යරයා දේශගුණික විපර්යාස, කොරෝනා වසංගතය සහ මානව වර්ගයා මුහුණ දෙන අභියෝග වලට සැවොම එක්ව කටයුතු කිරීම අත්යවශ්ය බවද අමාත්යවරයා වැඩිදුරටත් පෙන්වා දුන්නේය.
