මනම්පිටිය නිමල් ජයරත්න –
පුරාවස්තු සොයාගෙන විහාරස්ථානයේ සංඝාවාසයේ කාමරයක් තුළ ගම්මානයේ කීප දෙනෙක් හා එක්ව කැණීම් කිරීමට එරෙහිව නීතිය ක්රියාත්මක නොකිරීම හා ඉකුත් වෙසක් පොහෝදා වයස අවුරුදු දොළහක පිරිමි දරුවකු අපයෝජනය කිරීම සම්බන්ධයෙන් තම පන්සලේ චීවරධාරීයෙකුට එරෙහිව මෙතෙක් නීතිය ක්රියාත්මක නොකීමට විරෝධය දක්වා අද 08 දහවල් දෙහිඅත්තකණ්ඩිය කුඩාගම ඉසිපතනාරාමයේ දායකකාරකාදීන් පිරිසක් නවමැදගම නගරයේදී විරෝධතාවයක නිරත වූහ.
එම චීවරධාරියා මත්පැන් පානය කරන විහාරස්ථානයේ අශෝභන අයුරින් හැසිරීම, දහම් පාසල් දරුවන්ට මෙන්ම විහාරස්ථානයට පැමිණෙන කාන්තාවන්ට විවිධ අපචාර යෝජනා කිරීම, බුද්ධ ශාසනයටත්, ආගමටත් එම චීවරධාරියා සිදුකරන අකටයුතුකම් පිළිබඳ ඉහළ බලධාරීන් දැනුවත් කළ ද පලක් වී නැති බවත්, ඔහු නැවතවරක් මස 14 වෙනිදා කුඩාගම විහාරස්ථානයට ගෙන්වා ගැනීමට ඉහළ භික්ෂූන් තීරණය කර ඇති බවත් දායකකාරකාදීන් මෙහිදී චෝදනා කළහ.
අදාළ චීවරධාරියා ගම්මානයේ දායකකාරකාදීන් විසින් මාස කිහිපයක සිට ප්රතික්ෂේප කර ඇති බවත්, එම චීවරධාරියා ගම්මානයේ කිහිපදෙනෙකු සමගින් බීමත්ව අසෝබන ලෙස හැසිරෙන ආකාරය තම ගම්මානයේ තරුණයන් ජංගම දුරකතන මගින් පටිගත කර ඇති බවත් ගම්මු කීහ.,
මෙම තත්ත්වය මත එම භික්ෂුවම විහාරස්ථානයට ගෙන්වීමෙන් සමාජයට ලබා දෙන්නේ කුමන ආදර්ශයක්දැයි විමසන ගම්වාසීහු දැන් සිදුවී ඇත්තේ මේ අපචාරකාරී චීවරධාරියා නිසා ගම්මානයේ කාන්තාවන් සහ දරුවන් මෙන්ම දහම් පාසල් දරුවන් ද අනාරක්ෂිත තත්ත්වයට පත්වීම යැයි කුඩාගම බෞද්ධ සමිතියේ ලේකම්, එච්.එම් .අයි,ජී. මහින්ද බණ්ඩාර අපට පැවසුවේය.
කුඩාගම ගම්මානයේම රැඳී සිටින මෙම චීවරධාරියා වසර 38 කට ආසන්න කාලයක් තම විහාරස්ථානයේ රැඳී සිටින බව සැබෑ මුත් මීට පෙර අවස්ථා කිහිපයකදීම මේ ආකාරයෙන් විහාරස්ථානයට දානය රැගෙන එන කාන්තාවන්ට සිදුකළ අපචාර යෝජනා සම්බන්ධව ගම්මු ඉවසා සිටි නමුත් දරුවන්ටත් මේ තක්කඩියා අත තබන විට එය ඉවසා සිටිය නොහැකි බව ගැමියන් අපට පැහැදිලි කර සිටියේය.
චීවරයක් දැරීමට තබා සාමාන්ය සාජයේ පුද්ගලයෙක් ලෙස ජිවත්වීමටවත් නුසුදුසු මේ පුද්ගලයා මේ මස 14 වෙනිදා තම විහාරස්ථානයට නොඑවන ලෙස අදාළ නිකායන්හි මහානායක ස්වාමීන් වහන්සේලාගෙන්, ඉල්ලා සිටින බවද විරෝධතාකරුවන් මෙහිදී වැඩිදුරටත් සඳහන් කළහ.
කුඩාගම විහාරස්ථානයේ සංඝාවාස ගොඩනැගිල්ල තුළ නිදන් සෙවීමේ අරමුණින් කැණීම් සිදුකළ ද මේ පිළිබඳ පොලිසිය සහ පුරාවිද්යා නිලධාරීන්, ලිඛිත හා වාචිකව දැනුවත් කළද, ඔවුන් නිහඬ පිළිවෙතක් අනුගමනය කරන බව ගම්මු කියති.
ගම්මානයේ, විවිධ මත්ද්රව්යවලට ඇබ්බැහි වූ, කිහිපදෙනෙකු මෙන්ම මහා පරිමාණ ව්යාපාරිකයන් කීපදෙනෙකු, මෙම චීවරධාරියා නැවත වරක් විහාරස්ථානයට ගෙන්වා ගැනීමට කටයුතු සැලසුම් කර ඇති බවද විරෝධතාකරුවෝ මෙහිදී සඳහන් කළහ.
මෙම විරෝධතාවය පැයක කාලයක් පුරා පැවැති අතර එම අවස්ථාවට විහාරස්ථදායක සභාවේ නිලධාරි මණ්ඩලය, ගොවි නායකයින්, ගම්මානයේ තරුණ තරුණියන්, දහම් පාසල් ගුරුවරුන්, ඇතුළු මවුපියන් තුන්සියයකට ආසන්න පිරිසක් එක්ව සිටියහ.
