2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 17 වගන්තිය ප්රකාරව දේශබන්ධු තෙන්නකෝන් පොලිස්පති ධුරයෙන් ඉවත් කිරීම සඳහා වන යෝජනා සම්මතය ලබන අගෝස්තු 5 වැනිදා විවාද කිරීමට පාර්ලිමේන්තු කටයුතු පිළිබඳ කාරක සභාවේදී තීරණය වූ බව පාර්ලිමේන්තුවේ මහලේකම් කුෂානි රෝහණදීර පවසයි.
කථානායක වෛද්ය ජගත් වික්රමරත්නගේ ප්රධානත්වයෙන් පෙරේදා (24) පස්වරුවේ පැවති පාර්ලිමේන්තු කටයුතු පිළිබඳ කාරක සභාවේදී මේ බව තීරණය වී ඇත.
මේ අනුව අගෝස්තු 5, 6 සහ 7 තෙදින පාර්ලිමේන්තුව රැස්වීමට නියමිතව ඇත.
මේ අනුව අගෝස්තු 05 වැනි අඟහරුවාදා පෙරවරු 11.30 සිට ප.ව 4.00 දක්වා පොලිස්පති දේශබන්ධු තෙන්නකෝන් 2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 17 වගන්තිය ප්රකාරව එම ධුරයෙන් ඉවත් කිරීම සඳහාවන යෝජනා සම්මතය විවාදයට ගැනීමටත් ප.ව 4.00ට අදාළ ඡන්ද විමසීම පැවැත්වීමටත් මෙහිදී තීරණය වී ඇත.
