තමන් දේශපාලනයෙන් විශ්රාම ගැනීමට සූදානම් නැති බවත් තම විශ්රාම ගැන්වීම තාවකාලික බවත් හිටපු ජනාධිපති මහින්ද රාජපක්ෂ පවසයි.
” මේ මහ මැතිවරණයට ඉදිරිපත් නොවීම ගැන මම හිතුවා, නමුත් දේශපාලනඥයන් කවදාවත් විශ්රාම ගන්නේ නැහැ,” ඔහු පැවසීය.
ඉදිරි මහ මැතිවරණය සම්බන්ධයෙන් අදහස් දක්වමින් හිටපු ජනාධිපතිවරයා කියා සිටියේ සියල්ල සූදානම් බවත් ශ්රී ලංකා පොදුජන පෙරමුණ පහසුවෙන් ජයග්රහණය කරන බවත්ය.
“දේශපාලකයෝ විශ්රාම යන්න පටන් අරන් කියලා අනුර කුමාර දිසානායක ජනාධිපතිතුමා කරපු ප්රකාශය මම ඇහුවේ නෑ. දේශපාලකයෝ දැන් පළවෙනි වතාවට විශ්රාම යන්න පටන් අරන් ඉන්නවා කියන එකට මම එකඟ නැහැ. ජනාධිපතිවරණයට ඉදිරිපත් නොවුණු දේශපාලනඥයෝ ඕන තරම් ඉන්නවා. “ඔහු වැඩිදුරටත් පැවසීය.
ශ්රී ලංකා පොදුජන පෙරමුණට පාර්ලිමේන්තුවේ ආසන 113ක බහුතර බලයක් පහසුවෙන් ලබාගත හැකි බවද ඔහු කියා සිටියේය.
