ෂම්මි සිල්වා ඇතුළු දූෂිත ක්රිකට් පාලක මණ්ඩලයට එරෙහිව පාර්ලිමේන්තුව තුළ යෝජනාවක් සම්මත කරගැනීම සඳහා විවාදයක් පවතින අවස්ථාවේ දී ටොරාන්ටන් ලංකා බැංකුවේ පවත්වාගෙන යන ශ්රී ලංකා ක්රිකට් ගිනුමෙන් ඩොලර් මිලියන දෙකක මුදලක් ඉවත් කිරීමට මේ මොහොතේ ( 09 දා උදේ 10.30ට පමණ ) සූදානම් වන බවට තොරතුරු සැලවන්නේ යැයි ක්රීඩා ඇමති රොෂාන් රණසිංහ පාර්ලිමේන්තුවට දැන්වූයේය.
මේ මුදල ඉවත් කරගන්නේ ක්රිකට් පාලක මණ්ඩලයේ ඡන්දයෙන් පත් වුන ලේකම්වරයා රටත් හැර ගොස් ඇති අවස්ථාවක බවත්, මෙවැනි මුදලක් ඉවත් කරගැනීම සඳහා ලේකම්වරයාගේ අනුමැතිය අනිවාර්යයෙන් ලබා ගත යුතුව තිබිය දි ඔවුන් එම මුදල ඉවත් කරගන්නේ කෙසේද, කුමක් සදහා ද යන්න විමසා බැලිය යුතු බවත් ඇමතිවරයා කතානායකවරයාට දන්වා සිටියේ.
එමෙන්ම මෙම ක්රිකට් පාලක මණ්ඩලයේ නිලධාරීන්ගේ ගමන් බලපත්ර අත්හිටුවීම සඳහා කටයුතු කළ යුතු බවත් අශ්වයා ගිය පසු ස්තාලය වසා පලක් නැති බවත් ඇමතිවරයා පැවසුවේය.
මේ වනවිට අතුරු කමිටුව වාරණය කිරීම සම්බන්ධව මැදිහත්වන ලෙස නීතිපතිවරයාට දන්වා ඇති බව කී ඇමතිවරයා තමන් වාචිකව නීතිපතිවරයාගෙන් ඉල්ලීම් කිරීම නවත්වා ඇතැයි ද දැන්වූයේය.
