මනම්පිටිය නිමල් ජයරත්න –
දිඹුලාගල දලුකාන ගම්මානයේ ආදිවාසි නායිකා කේ ලිසීනෝනා තම ගම්මානයේ සිදුවන මත්ද්රව්ය ජාවාරමට එරෙහිව යළිත් වරක් දළුකාන ගමේ ප්රකට අඩි 40ක් පමණ උස සියඹලා ගසට නැගී මාරාන්තික උපවාසයක් ආරම්භ කර තිබේ.
ඇය පවසන්නේ මේ වනවිට ගම්මානයට අයිස් මත්ද්රව්ය උවදුර ද පැමිණ ඇති බවය.
ගමම වෙලාගත් කසිප්පු උවදුරින් අනතුරුව ගංජා, හෙරොයින් මත්ද්රව්ය ගමම විනාශ කළ ආකාරයත්, ගමේ ගැහැණුන් සහ තරුණියන් ද විශාල ප්රමාණයක් මත්ද්රව්යවලට හුරු වී ඇති ආකාරයත් ඇය මීට පෙර අවස්ථා හයකට වඩා විරෝධතා, සත්යග්රහ, උපවාස කරමින් හෙළි කළාය.
මේ වනවිට මත්ද්රව්ය ජවාරම්කරුවන් තමන්ට තර්ජනය කරන බව කී ආදිවාසී නායිකා ලිසිනෝනා මේ සම්බන්ධයෙන් පොලිසිය මෙතෙක් ක්රියාත්මක වී නොමැති බවද කීවාය.
උපවාසයයේ නිරත ලිසිනෝනාගේ සහායට ගම්මානයෙ කාන්තාවන් කිහිපදෙනෙකුද සියඹලාගසයට රැඳී සිටිමින් ඇයට සහයෝගය දක්වමින් ඇත.
අප මේ පිළිබඳව මනම්පිටිය පොලිස් ස්ථානාධිපති පොලිස් පරීක්ෂක අසේල සරත් කුමාරගෙන් දුරකථනයෙන් කළ විමසීමකදී ඔහු පැවසුවේ දලුකාන ගම්මානයෙන් වැඩි වශයෙන් මත්ද්රව්යවලට එරෙහිව පැමිණිලි ලැබෙන බවත්. එම පැමිණිලිවලට අනුව සියලු මත්ද්රව්ය ජාවාරම්කරුවන් අත්අඩංගුවටගෙන අධිකරණයට ඉදිරිපත් කර නීතියානුකූලව පියවර ගෙන ඇති බවත්්ය
