දිනසේන රතුගමගේ –
යාපනය තෙල්ලිපලෙයි ප්රදේශයේ පවත්වා ගෙන ගිය කාන්තා හා ළමා නිවාස වහාම ක්රියාත්මක වන ලෙස වසා දැමීමට පියවර ගන්නා මෙන් උතුරු පළාත් ආණ්ඩුකාරිණී පී.එම්.එස්. චාර්ල්ස් ඊයේ (3 ) ළමා ආරක්ෂණ අධිකාරිය වෙත උපදෙස් දී තිබේ.
තෙල්ලිපලෙයි ප්රදේශයේ පවත්වා ගෙන ගිය කාන්තා නිවාසයක් සහ ලියාපදිංචි නොකළ ළමා නිවාසයක් තුළ අනිසි ලෙස සවි කරණ ලද සී.සී.ටී.වී කැමරා පද්ධතියක් මගින් එම නිවාස දෙකේම නාන කාමර වල නිරුවත් දර්ශ්න නැරඹූ බවට මීට පෙර පැමිණිලි කීපයක්ම ළමා හා පරිවාස ඒකකය වෙතද ආණ්ඩුකාරවරිය වෙතද ලැබී තිබුණි.
මේ සම්බන්ධයෙන් සොයා බැලීම පිණිස පත් කළ කමිටු වාර්තාවේ සදහන් වී ඇත්තේ පැමිණිල්ලේ සඳහන් කරුණු සියල්ලම සත්ය බවයි.
මේ වාර්තාව ආණ්ඩුකාරවරිය වෙත ලැබුණු පසුව වහාම එම ස්ථාන දෙක වසා දමා ඒවායෙහි බාරකරුවන්ට එරෙහිව නීතිමය පියවර ගන්නා ලෙසත් ආණ්ඩුකාරවරිය පරිවාස හා ළමා සුබසාධන දෙපාර්තමේන්තුවේ කොමසාරිස්වරයාට දැණුම් දී තිබේ.
