තිලිණි ප්රියමාලි අත් අඩංගුවට…
තමන්ගේ රාජකාරියට බාධා කරමින් අධිකරණ නියෝග නොසලකා තර්ජනාත්මකව හැසිරුණ බවට චෝදනා කරමින් සිතාසි සහ ඇස්කීස් නිළධාරීන් විසින් කළ පැමිණිල්ලකට අනුව ප්රකාශයක් ලබා දීමට හෝමාගම පොලිසියට පැමිණි රටේ කුප්රකට කාන්තා චරිතයක් වූ තිලිණි ප්රියමාලි හෝමාගම පොලිසිය මගින් අත් අඩංගුවට ගෙන තිබේ.
නඩුවකට අදාලව නිලධාරියෙකුට බැණ තර්ජනය කිරීම, නීති විරෝධී ලෙස සිතාසි ලේඛනයේ සිය විරෝධතාවය සටහන් කිරීම, සිතාසි භාර ගැනීම ප්රතික්ෂේප කිරීම, සම්බන්ධව හෝමාගම පොලිසියේ සිදුකළ පැමිණිල්ලකට අදාලව නීතිය ක්රියාත්මක නොවීම සම්බන්ධයෙන් පසුගිය 18 වැනිදා සිතාසි සහ ඇස්කීස් නිලධාරීන්ගේ සංගමය ප්රසිද්ධ මාධ්ය සාකච්ඡාවක් පවත්වා හෝමාගම පොලිසියටත් චෝදනා කළ පසුබිමක තිළිණි ප්රියමාලි අත් අඩංගුවට ගැනීම සිදුවන්නේය.
මේ වනවිට තමන් වෙත අසත්ය චෝදනා එල්ල කළ බවටත්, අධිකරණයට බලපෑම් කළ බවටත් චෝදනා කරමින් සිතාසි භාර දීමට පැමිණි පිස්කල්වරුන් දෙදෙනාට එරෙහිව රාජ්ය සේවා කොමිසමට හා අධිකරණ ඇමතිට තිළිණි ප්රියමාලි විසින් පැමිණිලි කර ඇති අතර මාධ්ය ඔස්සේ තමන් පිළිබඳ අසත්ය ප්රකාශ සිදුළ සිතාසි සහ ඇස්කීස් නිළධාරීන්ගේ සංගමයෙන් තම කීර්ති නාමයට හානි වූ බව කියමින මිලියන 10ක් වන්දියක් ද ඉල්ලා නඩු මගට ගොස් තිබේ. .
