වර්ජනයේ නිරත තැපැල් සේවකයින් සහ විෂය භාර අමාත්ය නලින්ද ජයතිස්ස අතර විශේෂ සාකච්ඡාවක් මේ වනවිට පැවැත්වෙමින් තිබේ. අද උදේ 9 ට ආරම්භ වීමට නියමිතව තිබූ මෙම සාකච්ඡාව සඳහා වර්ජනයේ නිරත සියලු තැපැල් වෘත්තීය සමිතිවල නියෝජිතයින් කැඳවා ඇත.
ඊයේ අමාත්යවරයා ප්රකාශ කළේ අතිකාල දීමනා වැඩි කිරීම සහ ඇඟිලි සලකුණු යන්ත්ර ය පිටුවීමට එරෙහිවීම යන කාරණා සඳහා සාකච්ඡා කිරීමට සූදානම් නැති බවත් අනෙක් කාරණා සම්බන්ධව සාකච්ඡා කර එකඟතාවයකට පැමිණීමට සූදානම් බවත්ය. මේ වනවිට මධ්යම තැපැල් හුවමාරුවේ ඇඟිලි සලකුණු යන්ත්ර දෙකක් අලුතින් පිහිටුවා ඇති බව කී ඇමතිවරයා කැමැත්තෙන් සේවයට එන තැපැල් සේවකයින්ට යම් බලපෑමක් කළ හොත් නීතිය උපරිමයෙන් ක්රියාත්මක කරන බව වර්ජකයින්ට දන්වා සිටියේය.
මේ අතර ලංකා තැපැල් සේවා සංගමයේ සභාපති ජගත් මහින්ද පැවසුවේ වර්ජනයේ නිරතව සිටි සාමාජිකයින් රැසක් මේ වන විට සේවා කටයුතු සදහා සහභාගී වී ඇති බැවින් හෙට දිනය වන විට තැපැල් සේවා කටයුතු සාමාන්ය පරිදි සිදුකිරීමට හැකිවන බවය.
