සූරියවැව – නුවන් ජයසේකර –
පියාට අයත් මෝටර් රථයේ “පොලිස්” නම සටහන් කරගත් තරුණයෙක් තවත් අයෙකු හා එක්ව අළුයම් කාලයේ කතරගම නගරයේ කරක් ගසමින් සිටියදි රාත්රි මුර සංචාරයේ නිරතව සිටි කතරගම පොලිස් ස්ථානයේ නිළධාරින් කණ්ඩායමක් විසින් අද (19) අත් අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ කතරගම ගලහිටිය හා සෙල්ලකතරගම පදිංචි අවුරුදු 30 හා 38 වයස්වල පසුවන පුද්ගලයන් දෙදෙනෙකි.
කතරගම පොලිස් ස්ථානයේ නිළධාරින් කණ්ඩායමක් අළුයම 1.45ට පමණ රාත්රි ජංගම මුර සංචාරයේ නිරතව සිටියදී මෙම කාර් රථය නවතා පරික්ෂා කිරීමේදී කාර් රථයේ බදෙහි දෙපස නිල් පැහැති අකුරින් පොලිස් ලෙස සටහන් කර තිබෙනු දැක ඇත.
මේ සම්බන්ධව සැක සිතී කාර් රථය සමග එහි රියදුරු හා තවත් අයෙකු පොලිස් අත්අඩංගුවට ගෙන තිබේ. අත් අඩංගුවට පත් සැකකරුවන් දෙදෙනාගෙන් සිදුකළ මුලික ප්රශ්ණ කිරීමේදි ඔවුන් පවසා ඇත්තේ ටෙලි නාට්යක් රූගත කිරිම සඳහා මෙලෙස කාර් රථයේ දෙපස පොලිස් යනුවෙන් සටහන් කල බවය.
කෙසේ නමුත් මේ සම්බන්ධයෙන් අත්අඩංගුවට පත් සැකකරුවන් හෝ වෙනත් කිසිදු පාර්ශවයක් මේ පිළිබදව පොලිස් ස්ථානය මීට පෙර දැනුවත් කිරිමටද පියවර ගෙන නොමැති බව සිදුකල මුලික විමර්ශනවලදී අනාවරණය වී ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
පොලිස් සැරයන් (24821) ජීවන්ලාල් ඇතුළු නිලධාරීන් කණ්ඩායමක් විසින් සැකකරුවන් දෙදෙනා සමග කාර් රථය අත්අඩංගුවට ගෙන පොලිස් ස්ථානයට ඉදිරිපත් කර ඇති අතර සිද්ධිය පිළිබදව කතරගම පොලිස් ස්ථානය වැඩිදුර විමර්ෂණ පවත්වයි.
