ලලිත් චාමින්ද –
ත්රිකුණාමලය තෙල් ටැංකි සංකිරණයේ ඇති විශාල තෙල් ටැංකි ප්රමාණයක් ඉතා සුළු ප්රතිසංස්කරණයකින් පසුව භාවිතයට ගතහැකි බැව් ජාතික විගණන කාර්යාලය මගින් මෙරට ඛනිජ තෙල් ගබඩා කිරීම හා බෙදාහැරිම පිළිබඳ කරණු ලැබු විශේෂ විගණනයකදි අනාවරණය වි ඇත
ලංකා ඛනිජතෙල් නිතිගත සංස්ථාවේ ඉහළ තාක්ෂණික නිලධාරින් පස් දෙනෙකුගෙන් යුත් කමිටුවක් මගින් 2016 වර්ෂයේ පෙබරවාරි 06 වැනි දින ඉදිරිපත් කරනු ලැබු වාර්තාවට අනුව සුළු ප්රතිසංස්කරණයකින් පසුව මෙම ඉන්ධන ගබඩා කිරීමට යොදාගත හැකි බවද විගණන වාර්තාවේ සඳහන් වේ.
මෙම තෙල් ටැංකි සංකීරණය දෙවන ලෝක සංග්රාමයේ දී ඉදිකළ එකකි. එහි ධාරිතාවය ඝණමිටර් 12.500ක් බැගින්වන ටැංකි 99ක් ප්රමාණයක් පවති. ඉන් ටැංකි 14ක් ප්රමාණයක් ඉන්දියානු ලංකා තෙල් සමාගමට 2003 වර්ෂයේ දි පවරා ඇත. අදාල ගිවිසුම කල් ඉකුත් වූ පසු 2023 දී එම සමස්ථ තෙල් ටැංකි ප්රමාණය රජයට ලැබීමට නියමිතය. එම තෙල් ටැංකි ලැබෙන තුරු දැනට භාවිතා නොකරණ ටැංකි අලුත්වැඩියා කර භාවිතා කිරීමෙන් දැනට රටතුළ පවතින සමස්ත තෙල් ගබඩා ධාරිතාවය මෙන් 1.5 ගුණයක් ගබඩා ධාරිතාව නැන්විය හැකි බවත් විගණනය පෙන්වා දේ.ෙ
ත්රිකුණාමල වරාය ලෝකයේ ඇති ගැඹුරු වරායකි. ත්රිකුණාමල වරායේ සිට තෙල් ගොඩබෑම සිදුවන අතර ඒ සඳහා අවශ්ය මුලික යටිතල පහසුකම් සමග ටැංකි 12කට වැඩි ප්රමාණයක් නැවත භාවිතයට ගැනීමට අලුත්වැඩියා කිරීම සඳහා ආසන්න වශයෙන් ඇමරිකානු ඩොලර් මිලියන 6.5ක් ඇස්තමේන්තුකර ඇත. එම තෙල් ටැංකි භාවිතයෙන් ත්රිකුණාමලයට ආසන්න පළාත් වෙත ඉන්ධන බෙදාහැරිම මගින් ප්රවාහන පිරිවැයෙන් වාර්ෂික ඉතිරිය ආසන්න වශයෙන් රුපියල් මිලියන 620ක් බවද විගණන වාර්තාවේ සඳහන් වේ.
ශ්රි ලංකාව ප්රධාන ජාත්යාන්තර් මුහුදු මාර්ගය ආසන්නයේ පිහිටා තිබේ. එම නිසා මෙම ව්යාපාරය ක්රියාත්මක කිරීම මගින් මෙරට නැව් තෙල් ව්යාපාරය වඩාත් පහසුවෙන් සිදුකළ හැකි බවද විගණන වාර්තාවේ සඳහන් වේ.
එමෙන්ම ත්රිකුණාමලය තෙල් ටැංකි සංකිර්ණයට හා වරාය වෙත දැනටමත් ස්ථාපිතකර ඇති දුම්රිය මාවත් හා ගැල් හැසිරිවිය හැකි පද්ධතිය භාවිතයට ඇති ඉඩකඩ වඩා වාසිදායක තත්වයක් වන බවද විගණන වාර්තාවේ සඳහන් වේ.
ත්රිකුණාමලය වරාය ආශ්රිතව පිහිටා ඇති තෙල් ටැංකි සංකිර්ණය රටේ ඛණිජතෙල් සම්පාදන ක්රියාවලියට ඉතා පහසුවෙන් උපයෝගි කරගත හැකි බවද විගණනය මගින් අනාවරණය කොට ඇත. දැනට දශක 09ක කාලයක් තිස්සේ නිෂ්කාර්යව සහ ඌණ උපයෝගිව පවතින මෙකී තෙල් ටැංකි සංකිරණය විධිමත් නෛතික රාමුවක් තුළ ප්රතිසංස්කරණය කොට භාවිතයට ගැනීමෙන් ඛණිජතෙල් සම්පාදන ක්රියාවලියට අදාලව දැනට පැන නැගි ඇති අවදානම් තත්වය මගහැරවිමට මෙන්ම ජාත්යන්තර ව්යාපාරික අවස්ථාවන් පුළුල් කරගත හැකි වන බවද විගණන වාර්තාවේ සඳහන් වේ.
විගණනය දක්වන ආකාරයට ශ්රි ලංකාවට සිංගප්පුරුවේ පවතින ආකාරයේ ජාත්යන්තර් බල ශක්ති මධ්යස්ථානයක් ලෙස කටයුතු කිරිමේ හැකියාවක් තිබේ. ඒ සඳහා කළ යුත්තේ ත්රිකුණාමලය වරාය කේන්ද්රකරගෙන මෙම සියලු තෙල් ටැංකි සක්රිය ලෙස නවිකරණය කිරීම මගින් වැඩි ඉන්ධන ධාරිතාවයක් ගබඩා කිරීමටට කටයුතු කිරිමයි.
මේ තුළින් ලෝක වෙළඳපොළේ මිල අඩුවු අවස්ථාවල දී ඉන්ධන මිලදී ගෙන තබා ගැනිමටත් ප්රතිඅපනයනය කිරීමටත් අවස්ථාව උදාවේ. රටේ අනාගත ඉන්ධන අවශ්යතාවය පිළිබඳ විධිමත් අධ්යයනයක් සිදුකර එම අවශ්යතාවයට ගැලපෙන ආකාරයට ඉන්ධන ගබඩා ධාරිතාවය ඉහළ නැන්විය යුතු බවට මෙකි විගණනය මගින් නිර්දේශකොට ඇත.
එමෙන්ම හම්බන්තොට වරාය ආශ්රිතව ඉදිකළ තෙල් ටැංකි සංකිර්ණයක් පැවතිය ද මේ දක්වා එම ටැංකි ද ඉන්ධන ගබඩා කිරීම සඳහා භාවිතයට යොදාගෙන නැති බවද විගණන වාර්තාවේ සදහන් වේ.
