දිනසේන රතුගමගේ
කොටි සංවිධානයේ සාමාජිකයන් වසර තිහක්ම උතුරු නැගෙනහිර පළාත්වල ක්රියාකාරීව සිටි නමුත් ඔවුන් කිසිම අවස්ථාවක බෞද්ධ සංකේතවලට හා නටබුන්වලට හානි සිදු නොකළ නමුත් වර්තමානයේදී එම පළාත් තුළ බෞද්ධ සංකේත හා නටබුන් දැඩි ලෙස විනාශයට පත් වන බව දෙමළ ජාතික සන්ධානයේ උපදේශකවරයෙකු වන වේලන් සාමී 17 දා යාපනයේදී පැවසීය.
සිංහල බෞද්ධයන් වාසය නොකරන බොහෝ පළාත්වල බෞද්ධ සංකේත හා නටබුන් තිබුණු නමුත් ඒවා විනාශ කිරීමට හෝ එම ස්ථාන හාරා වස්තුව පැහැර ගැනීමට කවරෙකුවත් ඉදිරිපත් නොවූ බවද සාමිවරයා කියා සිටියේය.
නමුත් මේ කාල වකවානුවේදී බෞද්ධ ආගමික ස්ථාන වෙනුවෙන් සිදු නොවිය යුතු මතභේදකාරී තත්ත්වයන් රැසක් ඇති වී තිබෙන බවත් ඉන් සමහර සිදුවීම් අධිකරණය දක්වා ගමන් කොට ඇත්තේ ඉතා කනගාටුදායක ලෙස යැයිද ඔහු පෙන්වා දුන්නේය.
කිසිදු ආගමක සාස්තෘවරයෙකු නරකක් නපුරක් කිරීමට අනුබලයක් හෝ ඉගැන්වීමක් නොකොට තිබියදී වසර ගණනාවක් ගිය පසු ඒ ඒ ආගමික ලබ්ධිකයන් එකිනෙකාට එරෙහිව නැගී සිටීම කවර හෝ ආගමික නායකයෙකුවත් දාර්ශනිකයෙකුවත් අනුමත නොකළ බවද වේලන් සාමිවරයා උදාහරණ සහිතව විස්තර කළේය.
