දැඩි ගෑස් හිගයක් පවතින මේ දිනවල තම නිවසට ගෑස් එන්නේ කෙසේදැයි නොදන්නා බවත් එය සිය බිරියගෙන් ඇසිය යුතු බවත් සෞඛ්‍ය අමාත්‍ය කෙහෙළිය රඹුක්වැල්ල පවසයි.
ඔහු මේ පිළිතුර දුන්නේ අද පැවති මාධ්‍ය හමුවකදී මාධ්‍යවේදියකු ඇසූ ප්‍රශ්නයකට පිළිතුරක් දෙමිනි.
එම මාධ්‍ය හමුවේදී මාධ්‍ය වේදියකු ඔහුගෙන් ප්‍රශ්න කළේ රටේ පවතින පීඩාකාරී තත්ත්වය ඇමතිවරුන්ට නොදැනේනනෙද යන්නය. එහිදී මෙම මාධ්‍යවේදියා තමන් කිසිදු දිනක රජයේ ඇමතිවරයකු ඉන්ධන පෝලිමක හෝ ගෑස් පෝලිමක සිටින බවක් දැක නොමැති බව පවසා ඔබතුමා ඉන්ධන පෝලිම්වල සිට තිබෙනවාදැයි ඇසුවේය.
ඊට පිළිතුරදුන් අමාත්‍යවරයා කීවේ තමන්ගේ වාහනයට ඉන්ධන ලබා ගැනීමට යන්නේ රියදුරා බවයි. තමන්ම වාහනය පදවනවා නම් ඒ තත්ත්වයට මුහුණ දෙන්නට සිදුවන බව රඹුක්වැල්ල ඇමතිවරයා කීවේය.
පසුව මාධ්‍යවේදියා ඇසුවේ ඔබතුමා ගෙදරට ගෑස් ගන්නේ කොහොමද යනුවෙනි. ඊට පිළිතුරක් දුන් අමාත්‍යවරයා කීවේ “ඒක නම් මම දන්නේ නෑ . ඒක නෝනගෙන් අහන්න ඕන “ යනුවෙනි.
Discussion about this post