අද අළුයම් කාලයේ ඇති වූ අධික වර්ෂාව තවත් දින 05 කාලයක් පවතිනු ඇති බව කාලගුණ විද්යා දෙපාරත්මේන්තුව පවසයි.
කාලගුණ විද්යා දෙපාර්තමේන්තුව නිවේදනය කළේ, මේ වන විට ශ්රී ලංකාවට ඉහළින් අන්තර් නිවර්තන අභිසාරී කලාපයක් නිර්මාණය වී ඇති බවය.
කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක අන්තර් නිවර්තන අභිසාරී කලාපය යනු කුමක් දැයි මෙසේ පැහැදිලි කරන්නේය.
“මේ කාලපරිච්ඡේදයේ තියෙන විශේෂත්වය තමයි, උතුරු අර්ධ ගෝලයෙන් එන සුළං හමන රටාවත්, දකුණු අර්ධ ගෝලයෙන් එන සුළඟත් එකට එකතු වෙන තැනක් තියෙනවා. අපි මේකට කියනවා, අන්තර් නිවර්තන අභිසාරී කලාපය කියලා. දැනට මේ අන්තර් නිවර්තන අභිසාරී කලාපය ශ්රී ලංකාවට ඉහළින් ස්ථානගත වෙලා තියෙනවා. මේ තත්ත්වය යටතේ දිවයිනේ බොහෝ පළාත්වල වැසි හෝ ගිගිරුම් සහිත වැසි නිර්මාණය වන ලකුණු තමයි, තියෙන්නේ.”
“ඊයේ ඉඳන් තියෙනවා නිරිත දිගින් හමන සුළං රටාවක්. ඒ නිසා උදේ කාලයේ දිවයිනේ බස්නාහිර වෙරළබඩ තීරයේ උදේ කාලයේත් වැසි තත්ත්වයන් නිර්මාණය වෙනවා. ඒ තත්ත්වය විශේෂයෙන් ම බස්නාහිර, වයඹ, සබරගමුව සහ ගාල්ල, මාතර වගේ දිස්ත්රික්කවල උදේ කාලයේ වැසි හෝ ගිගිරුම් සහිත වැසි නිර්මාණය වෙන්න පුළුවන්. ඊට අමතරව, දිවයිනේ බොහෝ පළාත්වල සවස් යාමයේ හෝ රාත්රී කාලයේ වැසි ඇති වෙන්න පුළුවන්.”
මේ දිනවල ඇදහැළෙන වර්ෂාව දිවයිනේ බොහෝ ප්රදේශවලට මිලි මීටර් 100 ඉක්මවිය හැකි බව ද අතුල කරුණානායක පැවසීය.
ඊට අමතරව, තාවකාලික තද සුළං සහ අකුණු අනතුරු ඇති විය හැකි හෙයින් ඒ සම්බන්ධයෙන් සැලකිලිමත් වන ලෙස ඔහු අනතුරු ඇඟවීය.
මෙම කාලගුණ තත්ත්වය ඉදිරි දින 5ක පමණ කාලයක් පවතිනු ඇතැයි ද කාලගුණ විද්යා දෙපාර්තමේන්තුව අනාවැකි පළ කර ඇත.
