ඇමරිකා එක්සත් ජනපදයේ හිටපු රූ රැජනක් වූ චෙස්ලි ක්රිස්ට් ඊයේ ( 30) සිය දිවි හානි කරගෙන තිබුණාය. මෑන් හැටන්හි මහල් ගොඩනැගිල්ලකින් පහළට පැනීමෙනි. මිය යනවිට ඇය තිස් හැවිරිදි වියේ පසුවූවාය.
ඇගේ මරණය ගැන පරීක්ෂණ පවත්වන නිව් යෝර්ක් නගර පොලිස් දෙපාර්තමේන්තුව ප්රකාශ කළේ ඇය සිය දිවි නසාගෙන ඇති බවය.
මෙම මරණයෙන් බොහෝ දෙනෙක් කම්පනයෙනි. චෙස්ලි ක්රිස්ට් ඇමරිකාවේ රූ රැජණක් පමණක් වූ පුංචි චරිතයක් නොවේ. ඇය ඇමරිකිවේ අධිකරණ පද්ධතිය ප්රතිසංස්කරණය කිරීම සඳහා කැප වුණු සිවිල් නීතිඥවරියකි. උතුරු කැරොලිනාවේ අසාධාරණ ලෙස දඬුවම් කළ හැකි සිරකරුවන් සඳහා ඇය නීතිමය ආධාර ලබා දුන්නේ නොමිලේය.
ඇය නීති උපාධියක් මෙන්ම ව්යාපාර කළමනාකරණය පිළිබඳ උපාධියක හිමි කාරියකි. චෙස්ලි ක්රිස්ට් මෙම උපාධි දිත්වයක් ලබාගෙන තිබුණේ දකුණු කැරොලිනාවේ වේක් ෆොරස්ට් විශ්ව විද්යාලයෙනි. උපාධිය හදාරන සමයේ ඇය සරසවියේ ජවන ඉසව්වේ මළල ක්රීඩිකාවක වූවාවය.
චෙස්ලි ක්රෙස්ට් එක්සත් ජනපද රූ රැජන ලෙස කිරුළ පළඳින්නේ වර්ෂ 2019 දී ය.
මේ වනවිට නිව් යෝක් නගර පොලිස් දෙපාර්තමේන්තුව චෙස්ලිගේ මරණය සම්බන්ධව විමර්ශන ආරම්භ කර තිබේ. රහස් පරීක්ෂක මාටින් බ්රවුන් අද ( 31) ඒ බව සී.එන්.එන් පුවත් සේවයට තහවුරු කළේය. මරණය සම්බන්ධව වැඩි විස්තර ලබා දීම ඔහු ප්රතික්ෂේප කර තිබිණි. එය සිය දිවි හානිකරගැනීමෙන් සිදුවන මරණ සම්බන්ධව පොලිස් විමර්ශනයන්හි සම්මතයක් බව මාධ්ය වාර්තා කර ඇත.
මරණයට පෙර චෙස්ලි සිය ඉන්ස්ටග්රම් ගිනුමෙහි ඡායාරූපයක් පළ කරමින් මෙසේ ලියා තිබුණාය. “ මේ දිනය ඔබට විවේකය සහ සාමය ගෙන එනු ඇත“
(විදෙස් මාධ්ය ඇසුරිනි)
