සූරියවැව නුවන් ජයසේකර –
රිදියගම සෆාරි උද්යානයේ සිටින සිංහ ධේනුවන් දෙදෙනෙකු සිංහ පැටවුන් 06 දෙනෙකු උපත ලබා ඇති අතර එම පැටවුන් මේ මස අවසන් වන විට ජනතා ප්රදර්ශනයට එක් කිරිමට බලාපොරොත්තුවෙන් සිටින බව රිදියගම සෆාරි උද්යානයේ සහකාර අධ්යක්ෂ කසුන් හේමන්ත පැවසීය.
මෙම උපත ලැබූ සිංහ පැටවුන් ඉතා සුවිශේෂිත්වයක්ද දරුණු ලබයි. ඒ මෙවර සිංහ පැටවුන් තිදෙනා බැගින් උපත ලබා ඇත්තේ වයස අවුරුදු 10ක් පමණ වන ලාරා නැමති සිංහ ධේනුවට හා ඇයගේ දියණියක වන ඩෝරා නැමති අවුරුදු 04ක් වයසැති සිංහ ධේනුවටය.
මෙම ඩෝරා නැමති සිංහ ධේනුව පිළිබදව පසුගිය කාලයේ මුළු රටේම ජනතාව එක්ව කතාබහට ලක් වු සිංහ ධේනුවකි. ලාරා නැමති සිංහ ධේනුව විසින් ඩෝරා බිහිකල පසු ඩෝරාට කිරි නොදී මව විසින් ප්රතික්ෂේප කිරිම නිසා රිදියගම සෆාරි උද්යානයේ පශු වෛද්ය වරුන්ගේ හා සත්ව භාරකරුවන්ගේ උවටැන් යටතේ හැදි වැඩුණු සිංහ ධේනුවකි.
ඒ අනුව එම සිංහ ධේනුව මෙවර පැටවුන් තිදෙනෙකු බිහි කර ඇති අතර ඩෝරා මවගේ ප්රතික්ෂේප වු නමුත් මෙවර පැටවුන් බිහිකල ඩෝරා සිය පැටවුන් නිසි පාරිදි බලාගැනිම සිදුකරයි. මේ වන විට රිදියගම සෆාරි උද්යානයේ සිංහයන් 18 දෙනෙකු සිටිති.
අලුත උපන් පැටවුන් 06 දෙනාම ඉතාමත් නීරෝගිමත්ව සිටින අතර මේ මස අවසන් වන විට සංචාරකයන්ට මෙම සිංහ පැටවුන් නැරඹීමට අවස්තාව ලබා දිමට සැළසුම් කර ඇති බවත් සහකාර අධ්යක්ෂ වරයා පැවසීය.
