ටයිටැනික් නෞකාවේ සුන්බුන් වෙත කිමිදීමේදීම ඇතුළු ගැඹුරු මුහුදේ දින 08 සංචාරයක් සඳහා එක්සත් ජනපද සංචාරකයින් කණ්ඩායමක් රැගෙන ගමන් කරමින් සිටි සංචාරක සබ්මැරීනයක් අතුරුදහන් වීමෙන් පසු මධ්ය අත්ලාන්තික් සාගරයේ දැවැන්ත සෙවීම් සහ ගලවා ගැනීමේ මෙහෙයුමක් ක්රියාත්මක වෙමින් තිබේ.
සංචාරක සමාගමක් වන OceanGate විසින් මෙම සංචාරය සංවිධානය කරන්නේ විශාල මුදලක් අය කරමිනි. මීටර් 3,800 (අඩි 12,500) ගැඹුරකින් ඇති ටයිටැනික් සුන්බුන් වෙත කිමිදීම ඇතුළුව දින අටක සංචාරයක් සඳහා ප්රවේශපත්රවල මිල ඩොලර් 250,000ක් ( රුපියල් හත් කෝටි පනස් ලක්ෂයක් පමණය. සංචාරකයින් 05 දෙනෙක් සහිතව යානය කිමිදි තිබිණි.
පසුගිය ඉරිදා යානය කිමිදී පැය එකයි මිනිත්තු 45කින් පමණ එය සමඟ ඇති සම්බන්ධය සම්පූර්ණයෙන් නැති වූ බව එක්සත් ජනපද වෙරළාරක්ෂක බලකාය පැවසීය.
OceanGate සමාගමේ අතුරුදන් වූ යාත්රාව පුද්ගලයන් පස් දෙනෙකු රඳවාගෙන සාමාන්යයෙන් දින හතරක හදිසි ඔක්සිජන් සැපයුමක් සමඟ කිමිදෙන ට්රක් රථ ප්රමාණයේ උප යානයකි.
සමාගම පැවසුවේ යානයේ සිටි පුද්ගලයින් පස් දෙනා බේරා ගැනීම සඳහා සියලු විකල්ප ගවේෂණයන් කරමින් සිටින බවය.
රජයේ ආයතන, එක්සත් ජනපද සහ කැනේඩියානු නාවික හමුදා සහ ගැඹුරු මුහුද හා සම්බන්ධ වානිජ සමාගම් ගලවා ගැනීමේ මෙහෙයුමට උදව් කරන බව එක්සත් ජනපදය කියයි.
ටයිටැනික් නෞකාවේ සුන්බුන් නිව්ෆවුන්ඩ්ලන්ඩ් හි ශාන්ත ජෝන් සිට සැතපුම් 435 (කිලෝමීටර් 700) පමණ දකුණින් පිහිටා ඇත, ගලවා ගැනීමේ මෙහෙයුම මැසචුසෙට්ස් හි බොස්ටන් සිට ක්රියාත්මක වේ.
සඳුදා පස්වරුවේ, එක්සත් ජනපද වෙරළාරක්ෂක බලකායේ රියර් අද්මිරාල් ජෝන් මෝගර් ප්රවෘත්ති සාකච්ඡාවකදී පැවසුවේ මේ අවස්ථාවේ දී ධාවන පැය 70 සහ 96 අතර දුරක කොතැනක හෝ යානාව පවතිනු ඇතැයි අපේක්ෂා කරන බවය.
යාත්රාව සෙවීමේ කටයුතු සඳහා ගුවන් යානා දෙකක්, සබ්මැරීනයක් සහ සෝනාර් බෝයාවන් සම්බන්ධ කර ඇති නමුත් සෝදිසි කිරීම් සිදු කරන ප්රදේශයේ මෙහෙයුම් දුෂ්කර බවය.
රියර් අද්මිරාල් මෝගර් පැවසුවේ ගලවාගැනීමේ කණ්ඩායම් මෙය තමන්ගේම කටයුත්තක් සේ සලකා මෙහෙයුම සිදුකරන බවත් යානයේ සිටින අය නිවෙස් වෙත ආරක්ෂිතව ගෙන ඒමට හැකි සෑම දෙයක්ම කරන බවත්ය.
