අමෙරිකාවේ 46 වැනි ජනාධිපතිවරයා ලෙස පත්වීම සඳහා ජෝ බයිඩන් සිය ජය තහවුරු කර තිබේ. ඒ ඡන්ද කොට්ඨාස 290 ක් දිනා ගනිමිනි. වත්මන් ජනපති ඩොනල්ඩ් ට්රම්ප් දිනා ගෙන ඇත්තේ ඡන්ද කොට්ඨාස 214ක් පමණි.
77 හැවිරිදි බයිඩන් ධවල මන්දිරයට තේරී පත් වූ වයස්ගතම අපේක්ෂකයා වනු ඇත. ඔහු හිටපු ජනපති ඔබාමාගේ උප සභාපති ලෙස වසර අටක් ගත කළේය.
මෙවර ඇමරිකානු ජනාධිපතිවරණයේ ප්රධාන සටන් බිම වූ පෙන්සිල්වේනියානු ඡන්ද ප්රතිඵලයෙන් ද ඔහු ජයගෙන ඇති අතර ධවල මන්දිරය අත්පත් කර ගැනීම සඳහා අවශ්ය වන මැතිවරණ ඡන්ද කොට්ඨාස 270 ට අභිබවා යාමට බයිඩන්ට එය උපකාරී විය.
ට්රම්ප්ගේ ආධාරකරුවන් පෙන්වා දී ඇත්තේ ඔවුන්ගේ අපේක්ෂකයා බයිඩන්ගේ ජය පිළිනොගන්නා බවයි.
කෙසේවෙතත් ට්රම්ප් 1990 දශකයෙන් පසු පළමු ධුර කාලය පමණක් ධුරයේ සිටි ජනාධිපතිවරයා බවට පත්වේ.
දැනටමත් ඡන්ද ගණන් කිරීම අවසන් කර ඇති ප්රාන්තවල නිල නොවන ප්රතිඑල සහ විස්කොන්සින් වැනි ප්රාන්තවලින් අපේක්ෂිත ප්රතිඑලය මත බයිඩන් ජයගෙන ඇතැයි එරට මාධ්ය වාර්තා කර තිබේ.
මෙම මැතිවරණය 1900 න් පසු එරට වැඩිම ඡන්ද ප්රතිශතයක් වාර්තා කළ මැතිවරණයයි.
බයිඩන් මේ වන විට ඡන්ද මිලියන 73 කට වඩා ලබාගෙන ඇත.
ට්රම්ප් මිලියන 70 කට ආසන්න සංඛ්යාවක් ලබා ඇති අතර එය ඉතිහාසයේ දෙවන ඉහළම අගයයි.
බයිඩන්ගේ සහයක කමලා හැරිස්, කළු ජාතික කාන්තාවක් වන අතර ඉන්දියානු -ඇමරිකානුවෙකු විසින් එරට පළමු උප ජනාධිපති ධුරයට පත්වීමෙන් අමෙරිකාවේ ඉතිහාසයට එක්වනු ඇත.
