තුෂාරී කළුබෝවිල –
ජිප්සීස් සංගීත කණ්ඩායමේ නායක ජනප්රිය ගායක සුනිල් පෙරේරා මහතා ඊයේ රාත්රියේ කොළඹ පෞද්ගලික රෝහලකදී අභාවප්රාප්ත විය. මිය යන විට 68 වැනි වියේ පසුවූ සුනිල් පෙරේරා මහතා පසුගිය දිනවලදී කොවිඩ් වෛරස ආසාදනය වී සුවය ලබා නිවස පැමිණ සිටියදි යළි අසනීප වී රෝහල් ගත කෙරුණි.
මීර පෙර කොවිඩ්-19 රෝගය ආසාදනය වීමෙන් රෝහල්ගත ව ප්රතිකාර ලද සුනිල් පෙරේරා සුවය ලබා නැවත නිවෙසට ගොස් සාමාන්ය සුවයෙන් පසු වී සිටියදී සැප්තැම්බර් 5 වන දින රාත්රියේදී, දැඩි කොවිඩ් නියුමෝනියාව හේතුවෙන් නැවත කොළඹ පෞද්ගලික රෝහලක දැඩි සත්කාර ඒකකයට ඇතුළත් කිරීමෙන් අනතුරු ව සැප්තැම්බර් 6 වන දින අලුයම අභාවප්රාප්ත වූ බව සුනිල් පෙරේරාගේ පුත් සජිත් “ලංකාසර” ට කීවේ ය.
සිය සොයුරු පියල් පෙරේරා සමඟ ජිප්සීස් සංගීත කණ්ඩායමේ ප්රධාන ගායකයා ලෙසින් වර්ෂ 1972 දී ‘ළිඳ ළඟ සංගමය’ ගීතය එළි දක්වමින් අතිශ්ය ජනප්රසාදයක් ලැබී ය. සුනිල් පෙරේරා ගේ තනි ගායනයක් ලෙස පළමුව එළි දැක්වුණේ ‘අම්මා අම්මා මේ මට..’ ගීතය යි. අනෙකුත් සහෝදරයින් සංගීත කණ්ඩායම අතහැර ව්යාපාරික කටයුතුවලට සම්බන්ධ වෙද්දී සුනිල් පෙරේරා සිය සොයුරු පියල් පෙරේරා සමග ජිප්සීස් සංගීත කණ්ඩායම ඉදිරියට ඔසවා තැබී ය.
1980 දී ජිප්සීස් කුරුමිට්ටෝ ගීතය සමඟ පළමු කැසට් පටය නිකුත් කළ අතර ජිප්සීස් විසින් ගායනය කරන ලද අනෙකුත් ගීත අතර නෝනේ මගේ සුදු නෝනේ, ලූණු දෙහි, ඔයේ ඕජේ, පිටි කොටපන් නෝනේ, සිග්නෝර්, කොත්තමල්ලි යනාදී ගීත අතිශයින් ජනප්රිය විය. දියවන්නාවේ ගීතය ගායනා කළේ ජය ශ්රී අමාතිතුමා චිත්රපටය සඳහා ය.
සුනිල්ගේ මෑතකාලීන නිර්මාණ හා ඉදිරිපත් කිරීම් තුළින් සමාජ දේශපාලනික ගැටලු විවේචනය කෙරුණු අතර රජය විවේචනය කිරීම හේතුවෙන් ඔහුගේ ගීත කිහිපයක්ම රජයේ මාධ්ය මඟින් තහනම් කර තිබිණි.
සංගීත කණ්ඩායමේ සාමාජිකයෙකු ලෙස ඔහු වසර ගණනාවක් පුරා රජයට බදු ගෙවමින් සිට ඇත.
මොරටුව ශාන්ත සෙබස්තියන් කොළඹ ශාන්ත පීතර කොළඹ විද්යාලවල ආදි ශිෂ්යයකු වූ සුනිල් පෙරේරා, ගීතා කුලතුංග සමග විවාහ වීමෙන් සජිත්, ගයාන්, රෙහානා සහ මනීෂා යන දරුවන් පියාණන් විය.
තවත් බොහෝ කලක් සංගීත ක්ෂේත්රයේ නිර්මාණ කටයුතු කරන්නට ඉඩ තිබියදීත් අවාසනාවන්ත ලෙස අප අතරින් වියෝ වූ සුනිල් පෙරේරා නම් සහෘද කලාකරුවානන්ට “ලංකාසර” සාතිශය සංවේගය පල කරමු.
