ජාත්යාන්තර පොලිස් සංගමයේ (INTERNATIONAL POLICE ASSOCIATION) 65වන සංවත්සරය සැමරීම සඳහා වැඩමුළුවකට සහභාගී වීමට එංගලන්තයේ නෝටිංහැම්ෂයර් ප්රාන්තරයේ ජාත්යාන්තර පොලිස් සංගම් ශාඛාව වෙත පසුගිය 25 වැනිදා පිටත් වූ පොලිස් නිලධාරින් 05 දෙනා අතරින් සිවු දෙනෙක් නිවාඩු අනුමත කරගෙන ගිය කාල සීමාව තුළ නියමිත පරිදි යළි රටට පැමිණ රාජකාරියට වාර්තා නොකිරීම හේතුවෙන් ඔවුන් වෙත සේවය අතහැර යෑමේ නියෝග නනිකුත් කළ බව පොලිස් මාධ්ය කොට්ඨාසය වාර්තා කරයි.
මෙම වැඩමුළුව සඳහා පොලිස් ක්රීඩා කොට්ඨාසයට අනුයුක්තව රාජකාරි කළ උප පොලිස් පරීක්ෂකවරයෙක්, සැරයන්වරුන් දෙදෙනෙක්, හා පොලිස් කොස්තාපල්වරුන් දෙදෙනෙක් සහභාගී වී ඇත්තේ තමන්ගේ පුද්ගලික නිවාඩු අනුමත කරගෙන තමන්ගේ වියදමින් ගුවන් ටිකට් පත් ලබා ගැනීමෙන් බව එම නිවේදනයේ දැක්වේ .
උප පොලිස් පරීක්ෂකවරයා මාස 06ක නිවාඩු අනුමතකරගෙන මෙම ගමනට සහභාගී වී ඇති අතර අනෙක් පොලිස් නිලධාරීන් සිවු දෙනා සමුළුව පැවැත්වෙන සතියක කාලය ආවරණය වන පරිදි 2023.05.25 සි 2023.06.03 දක්වා කාලය තුළ පුද්ගලික නිවාඩු අනුමත කරගෙන ගොස් තිබේ.
එහෙත් පසුගිය 04 වැනිදා සේවයට වාර්තා කළ යුතුව තිබූ නිලධාරීන් සිවු දෙනා සේවයට වාර්තා නොකළ බැවින් ඔවුන් සම්බන්ධව සොයා බැලීමේ දී ඔවුන් ලංකාවට පැමිණ නැති බව හෙළි වූයේ යැයි පොලිස් මාධ්ය කොට්ඨාසය නිකුත් කළ නිවේදනයේ සඳහන් වෙයි.
එබැවින් ඔවුන්ට සේවය අත්හැර යෑමේ නියෝග නිකුත් කිරීමට පොලිස් ක්රීඩඩා කොට්ඨාසය භාර සහකාර පොලිස් අධිකාරීවරයා කටයුතු කර ඇතැයි පොලිස් මාධ්ය කොට්ඨාසය නිවේදනය කරයි.
