ජල ගාස්තු 30% සි ට 55 % දක්වා වූ මුදලකින් ඉහළ දැමීමට මහනුවර මහනගර සභාව තීරණය කර ඇත.
නාගරික ජනතාවට ජලය ලබාදීමේදී මාසිකව ලබන රුපියල් කෝටි 1 1/2 ක පමණ අලාභය පියවා ගැනීම සඳහා මෙම තීරණය ගත් බව නියෝජ්ය නගරාධිපති ඉලාහි ආබ්දීන් කීය.
විශේෂ මහ සභාවක් කැඳවා ඉදිරිපත් කළ ජලගාස්තු ඉහළ දැමීමේ යෝජනාව යම් යම් සංශෝධන වලට යටත්ව ඔක්තෝම්බර් ක්රියාත්මක කිරීමට ඒකමතිකව තීරණය වූ බවත් ඒ අනුව ඔක්තෝම්බර් මස 15 සිට නව ගාස්තු ක්රමවේදයට අනුව අය කිරීම් සිදු කෙරෙන බවත් නියෝජ්ය නගරාධිපතිවරයා පැවසුවේය.
අඩු ජල ප්රමාණයක් භාවිත කරන අයට සහනයක් ලබාදෙන අතරතුර වැඩි ජල ඒකක ප්රමාණයක් භාවිත කරන්නන්ට වැඩි ප්රතිශතයකින් ජලගාස්තු ඉහළ දැමූ බවත් පූජනීය ස්ථාන වලින් අය කරන ගාස්තු ඉහළ දැමීමක් සිදු නොකළ බවත් හෙතෙම කීය.
නගර සභාවට අයත් ජල පොම්පාගාරයේ විදුලි බිල,ප්රවාහන හා ක්ලෝරීන් මිල ඉහළ යාම ඇතුළු කරුණු ගණනාවක් හේතුවෙන් මාසිකව නගර සභාව විශාල අලාභයක් ලබන බවත් මහජන සේවා අඛන්ඩව පවත්වාගෙන යාමට නම් ජල බිල වැඩි නොකර බැරි තත්ත්වයක් ඇතිවූ බවත් ඒ මහතා කීය.
