දිනසේන රතුගමගේ –
අනුර කුමාර දිසානායක ජනාධිපතිවරයා 31 දා යාපනයට පැමිණෙන විට උතුරේ රැකියා විරහිත උපාධීධාරීන් විරෝධතාවයක් ආරම්භ කිරීමට තීරණය කොට තිබේ.
යාපනය දිස්ත්රික් සංවර්ධන කමිටු රැස්වීමට සහභාගී වීම පිණිස ජනාධිපතිවරයා පැමිණෙන අතරවාරයේ මෙම විරෝධතාවය පැවැත්වීමට ඊයේ (21) තීරණය කළ අතර එදිනට උතුරේ රැකියා විරහිත උපාධිධාරින් සියලුම දෙනාට යාපනය දිසාපති කාර්යාලය ඉදිරිපිටට පැමිණෙන ලෙස ආරාධනයක් කොට තිබේ.
යාපනය මාධ්ය මධ්යස්ථාන සංගම් ශාලාවේදී මාධ්ය හමුවකට එක් වූ උතුරේ රැකියා විරහිත තරුණ තරුණියන්ගේ සංගමයේ සභාපති කේ ඩැනිසන් ප්රකාශ කලේ මේ වන විට උතුරේ රැකියා විරහිත පිරිස 11000 ක්ද ඉක්මවන බවයි.
කෙසේ වෙතත් ජනාධිපතිවරයා යාපනයට පැමිණීමට පෙර 29 දා සිට රැකියා විරහිත උපාධීධාරී සංගමයේ පිරිස යාපනයේ තැනින් තැන විරෝධතා පැවැත්වීමටද තීරණය කොට තිබේ.
