දරුවන්ට හිතකර පරිසරයක් නිර්මාණය වන සහ සියලුම දරුවන්ට අධ්යාපනයෙහි ප්රවේශය සැලසෙන ලෙස ගෝලීය අවශ්යතා නිසි පරිදි සැලකිල්ලට ගනිමින් ශ්රී ලංකාවේ අධ්යාපනය සම්බන්ධයෙන් වන ඉදිරි සැලසුම් සකස් විය යුතු බව ජනාධිපති අනුර කුමාර දිසානායක අද අධ්යාපන බලධාරීන්ට දැනුම් දුන්නේය.
ඉදිරි අවුරුදු දහය තුළ ලෝකයට අවශ්ය වන මානව සම්පත නිර්මාණය කිරීමේ මෙහෙයුම අධ්යාපන නිලධාරීන්ට පැවරෙන වගකීමක් බව කී ජනාධිපතිවරයා ඒ සඳහා වන පුළුල් දැක්මක් සහිතව අධ්යාපන ව්යාපෘති සකස් කිරීමේ ඇති අවශ්යතාවද මෙහිදී පෙන්වා දුන්නේය.
ජනාධිපතිවරයා මෙම අදහස් පළ කළේ, ජනාධිපති ලේකම් කාර්යාලයේදී අද (16) පැවති අධ්යාපන, විද්යා හා තාක්ෂණ අමාත්යාංශවල ප්රගති සමාලෝචන සාකච්ඡාවට එක්වෙමිනි.
ජනාධිපති අනුර කුමාර දිසානායක මහතා හා අග්රාමාත්ය ආචාර්ය හරිනි අමරසූරිය මෙනෙවියගේ ප්රධානත්වයෙන් පැවති මෙම අමාත්යාංශ ප්රගති සමාලෝචනයේදී අධ්යාපන , විද්යා හා තාක්ෂණ අමාත්යාංශවල ක්රියාත්මක ව්යාපෘති පහක් සම්බන්ධයෙන් පුළුල්ව සාකච්ඡාවට බඳුන් කෙරිණි.
පාසල් අධ්යාපනය නවීකරණය, ගුරු අධ්යාපනය, ද්විතියික අධ්යාපනය, තාක්ෂණික අධ්යාපනය සහ තොරතුරු තාක්ෂණ අධ්යාපනය සංවර්ධනය කිරීම යන කරුණු මෙම සාකච්ඡාවේදී අවධානයට ලක් විය.
මීට අදාළ ව්යාපෘති කඩිනමින් ක්රියාත්මක කරන ලෙසද ජනාධිපතිවරයා සහ අග්රාමාත්යවරිය මෙහිදී නිලධාරීන්ට දැනුම් දුන්නේය.
ශ්රී ලංකාවේ සියලු පාසල් වඩා ඵලදායි පාසල් බවට පරිවර්තනය කළ යුතු අතර දරුවන්ට හිතකර පරිසරයක් නිර්මාණය වන සහ සියලුම දරුවන්ට අධ්යාපනයෙහි ප්රවේශය හිමි වන පරිදි පාසල් අධ්යාපනය ප්රතිසංවිධානය කිරීම පිළිබඳව ද මෙහිදී අවධානයට යොමු විය.
උසස් පෙළ සඳහා විද්යා, ගණිත හා තාක්ෂණ විෂය නිර්දේශ හදාරන පාසල් ප්රමාණය පුළුල් කිරීමටද මෙහිදී වැඩිදුරටත් සාකච්ඡා කෙරිණි.
ජනාධිපති ලේකම් ආචාර්ය නන්දික සනත් කුමානායක , අධ්යාපන ලේකම් තිලකා ජයසුන්දර ය ඇතුළු අමාත්යාංශ නිලධාරීහු පිරිසක් මෙම අවස්ථාවට එක්ව සිටියහ.
