දකුණු මුහුදේ දී අත් අඩංගුවට ගෙන දික්ඕවිට වරායට රැගෙ පැමිණි ධීවර යාත්රා දෙකෙහි තිබී වීදි වටිනාකම රුපියල් කෝටි 450කට අධික අයිස් සහ හෙරොයින් මත්ද්රව්ය කිලෝ ග්රෑම් 296කට වැඩි ප්රමාණයක් සොයා ගෙන ඇතැයි පොලිස් මත්ද්රව්ය කාර්යාංශය පවසයි.
මුලින්ම වාර්තා වී තිබුණේ මෙම යාත්රා දෙකේ මත්ද්රව්ය කිලො ග්රෑම් 270ක් ප්රවාහනය කරන බවය. මෙම මත්ද්රව්ය තොගය සහිත දෙවිඳු සහ චූටි මල්ලී නැමැති බහුදින ධිවර යාත්රා දෙක සම්බන්ධව පොලිස්පතිවරයාට ලද තොරතුරක් මත නාවික හමුදාව විසින් මෙහෙයුම දියත් කරන්නේ පසුගිය 23 දා ය.
දෙවිඳු ධීවර යාත්රාවේ සැකකරුවන් 05 දෙනෙක් සහ චූටි මල්ලී ධීවර යාත්රාවේ සැකකරුවන් 06 දෙනෙක් දකුණු මුහුදේ ජාත්යාන්තර මුහුදු සීමාවට ආසන්නයේ දී නාවික හමුදා අත් අඩංගුවට පත් වූයේය. මත්ද්රව්ය තොගය සම්බන්ධව නිශ්චය කරගැනීමෙන් අනතුරුව සැකකරුවන් සහ යාත්රා දෙක අද (25) පෙරවරුවේ දික්ඕවිට වරායට රැගෙන විත් තිබිණි.
වරායට රැගෙන පැමිණි පසු සිදුකළ නිශ්චිත විමර්ශනයේ දී එම යාත්රාවල හෙරොයින් කිලෝ ග්රෑම් 184ක් සහ අයිස් කිලෝ ග්රෑම් 112කට අධික ප්රමාණයක් පැවති බව තහවුරු විය.
පොලිස් මත්ද්රව්ය කාර්යාංශයේ අත් අඩංගුවට පත් වූ බහුදින ධීවර යාත්රා දෙකෙහි සිටි සැකකරුවන් 11 දෙනා කොළඹ අලුත්කඩේ මහසේත්රාත් අධිකරණයට ඉදිරිපත් කර දින 07ක් රැඳවුම් නියෝග ලබා ගැනීමට නියමිතව ඇත
ඒ සමගම මෙම මහා පරිමාණ මත්ද්රව්ය ජාලය මෙහෙයවනු ලබන ප්රධාන ජාවාරම්කරු පිළිබඳව පොලිස් මත්ද්රව්ය කාර්යාංශය විසින් විශේෂ විමර්ශනයක් ආරම්භ කර තිබේ.
ලබා ගැනීමට නියමිත දින 07ක රැඳවුම් නියෝග යටතේ සැකකරුවන් ප්රශ්න කිරීමෙන් පසු, මෙම ජාලයට මුදල් ආයෝජනය කළ සහ මෙරට බෙදාහැරීම් භාරව සිටින “ප්රධාන ජාවාරම්කරුගේ” නිශ්චිත අනන්යතාවය හෙළිදරව් කර ගැනීමට හැකි වනු ඇතැයි පොලිසිය විශ්වාසය පළ කරයි.
පොලිස් බුද්ධි අංශ පවසන පරිදි මෙම ජාවාරමේ මහ මොළකරුවන් සම්බන්ධයෙන් වැදගත් හෝඩුවාවන් කිහිපයක් දැනටමත් ලැබී ඇති අතර, ඉදිරි දින කිහිපය තුළ ඔවුන් අත්අඩංගුවට ගැනීමට වැටලීම් සිදු කිරීමට නියමිතය.
මෑතකදී අත්අඩංගුවට ගත් බොහෝ මත්ද්රව්ය තොග ඉරාන හෝ පකිස්ථාන මුහුදු සීමාව හරහා ජාත්යන්තර මුහුදේදී හුවමාරු වී මෙරටට පැමිණෙන බව නාවික හමුදා දත්ත පෙන්වා දෙයි.
මත්ද්රව්ය ජාවාරම්කරුවන් චන්ද්රිකා දුරකථන සහ GPS තාක්ෂණය භාවිත කරමින් මුහුද මැදදී මෙම හුවමාරු සිදුකරන බැවින්, නාවික හමුදාව සිය නිරීක්ෂණ කටයුතු දැඩි කර ඇත.
සාමාන්ය ධීවර කටයුතු මුවාවෙන් සිදුවන මෙම ජාවාරම් හේතුවෙන් අවංකව රැකියාවේ නියුතු ධීවරයන් ද දැඩි පරීක්ෂාවන්ට ලක්වීමේ ප්රවණතාවක් පවතී.
