එක්සත් ජාතීන්ගේ නවතම වාර්තාවකින් චීනය එරට සින්ජියැන්ග් පළාතේ උයිගර් මුස්ලිම් ජනතාවට ජාත්යන්තර මානව හිමිකම් නීතින් කඩවන අයුරින් වදහිංසා පමුණවා ඇති බවට අනාවරණය වේ.
මෙම වාර්තාව ජීනාව හී පිහිටි එක්සත් ජාතීන්ගේ මානව හිමිකම් කවුන්සිලය විසින් දීර්ඝ වශයෙන් සිදු කළ විමර්ශනයකින් පසුව නිකුත් කර තිබේ. මෙහිදී ජගත් මානව හිමිකම් කවුන්සිලය පවසා ඇත්තේ තමන්ට චීනය විසින් එරට වෙසෙන සුළු ජාතිකයන් කොට්ඨාසයක් වන උයිගර් මුස්ලිම් වැසියන් සහ අනෙකුත් සුළු ජාතීන් බරපතල ලෙස වදබන්දනයන්ට ලක්කර ඇති බවට ප්රමාණවත් සාක්ෂි පවතින බවයි.
ඒ අනුව චීනය මෙම ක්රියාවන් මානුෂිකත්වයට එරෙහිව සිදු කළ බරපතල අපරාදයක් බවටද හදුන්වා දී ඇත. වර්ෂ ගණනාවක සිට මානව හිමිකම් කණ්ඩායම් විසින් චීනය සිදුකරනු ලබන මෙම බරපතල මානව හිමිකම් කඩකිරීම් සම්බන්ධයෙන් ජාත්යන්තර ප්රජාව දැණුම්වක් කර තිබිණි.
එහිදී මානව හිමිකම් ක්රියාකාරීන් පෙන්වා දුන් ආකාරයට ලක්ෂ දහයකට අධික උයිගර් ජාතිකයින් කඳවුරු තුළ රඳවා සිටින බවයි. මෙම කඳවුරු වලදී උයිගර් වැසියන් හට දැඩි වද හිංසා වලට මුහුණදීමට සිදුව ඇති අතර කුඩා දරුවන් දේමාපියන්ගෙන් වෙන්කිරීමද පිරිම සහ කාන්තාවන් වෙන් කර රඳවා තැබීමටද චීන බලධාරීන් පියවරගෙන තිබෙන බවට වාර්තාවේ.
අදාල වාර්තාව මගින් පෙන්වා දෙන ආකාරයට, ලිංගික සහ ස්ත්රී පුරුෂ සමාජභාවය පදනම් කරගත් ප්රචණ්ඩත් ක්රියාවන් මෙන්ම, බලහත්කාර වෛද්ය ප්රතිකාර සහ රඳවා තබා ගැනීම් ද චීනය විසින් සිදුකර තිබේ.
මීට අමතරව 2017 වර්ෂයේ සිට චීන රජය විසින් බලහත්කාරයෙන් උයිගර් වැසියන්ට පවුල් සැලසුම් ප්රතිපත්ති ක්රියාත්මක කරමින් මගින් එම වැසියන්ගේ ප්රජනන අයිතීන් උල්ලංඝනය කිරීම්ද සිදුකර ඇති බවට ජගත් සංවිධාන වාර්ථාවෙන් අනාවරණය කරයි.
කෙසේ වෙතත් චීනය විසින් මෙම වාර්තාව බටහරි රාජ්යන් විසින් තමන්ට එරෙහිව එල්ල කරන පදනම් විරහිත චෝදනාවක් බවට ප්රකාශ කර ඇත.
