ලලිත් චාමින්ද –
ශ්රි ලංකා ජාතික චිත්රපට සංස්ථාව විසින් චිත්රපට නිෂ්පාදනයට සහ සිනමාශාලා සඳහා ලබාදුන් ණය මුදල්වලින් අයකරගත හැකිව තිබු රුපියල් දොලොස්කෝටි, දහඅටලක්ෂ, දහ අට දහස් දෙසිය අසු හතරක මුදලක් (121,818,284) අයකර ගැනිමට කටයුතු කරනොමැති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
චිත්රපටි සංස්ථාවේ කළමනාකරණය විසින් මෙම ණය අයකරගැනීමට ප්රමාණවත් ක්රියාමාර්ග නොගැනීම මත මෙම ණය මුදල අයකරගැනීමට නොහැකිව තිබු බවද විගණනය මගින් අනාවරණය කොට ඇත.
ඉකුත් වර්ෂයේ (2023) දෙසැම්බර් මස 31 දින වනවිට චිත්රපට නිෂ්පාදනයට හා සිනමාශාලා සදහා ලබාදි ඇති ණය මුදල් වලින් රුපියල් හතලිස් හත්කෝටි, අසු හතර ලක්ෂ,හැට පන් දහස්, දෙසිය තිස් අටක මුදලක් (478,465,238) චිත්රපට සංස්ථාවට අය වීමට තිබුණි.
සිනමාශාලාවලින් සංස්ථාවට අයවිය යුතුව ඇති හිඟ මුදල රුපියල් තිස් අට කෝටි, අනු නව ලක්ෂ, හැට එක් දහස්, තුන්සිය දහ අට (389,961,318) කි. සංස්ථාවට ලැබියයුතු මුදල්වලින් අධිභාර හා හානිකරණ ගැලපිම නිසා 2023 වර්ෂයේ දෙසැම්බර් මස 31 දින වනවිට අයකරගත හැකි ශුද්ධ ණය ප්රමාණය රුපියල් දොලොස්කෝටි, දහ අට ලක්ෂ, දහ අට දහස් දෙසිය අසු හතරක (121,818,284) මුදලකි.
මේ පිළිබඳ චිත්රපට සංස්ථාවේ කළමණාකාරිත්වය විසින් විගණනයට සඳහන් කොට ඇත්තේ සිනමාශාල 142කින් හිඟ මුදල් අයකරගැනීමට කටයුතු කරණ අතර වසාදමා ඇති සහ පැරණි හිඟ සිනමා ශාලාවලින් මේ වනවිට රුපියල් මිලියන 27ක පමණ මුදලක් අයකරගෙන ඇති බවය.
හිග මුදල් අයකරගැනීමට නොහැකි සිනමා ශාලාවලට නඩු පැවරිමට අවශ්ය කටයුතු සිදුවෙමින් පවතින බවත් කීවේය.
ජාතික චිත්රපට සංස්ථාව සමිබන්ධයෙන් 2023 වර්ෂයට අදාළව මෙකි විගණන වාර්තාව නිකුත්කොට තිබුණි.
