ඌව පළාත් හිටපු ප්රධාන අමාත්ය චාමර සම්පත් දසනායකට එරෙහි පැමිණිල්ලකට අදාළව සිදුකරන විමර්ශනයක් සඳහා ප්රකාශයක් සටහන් කරගැනීමට හිටපු ජනාධිපති රනිල් වික්රමසිංහ අල්ලස් හෝ දුෂණ චෝදනා විමර්ශන කොමිෂන් සභාව වෙත කැඳවා තිබේ.
චාමර සම්පත් දසනායක 2016 වසරේ දී රාජ්ය බැංකුවක පවත්වාගෙන ගිය ස්ථාවර තැන්පතු ගිණුම් කල්පිරීමට පෙර ඉවත්කර ගැනීමට කටයුතු කිරීමෙන් දුෂණයක් සිදුකර ඇති බවට සිදුවන විමර්ශනයට අදාල සිද්ධිය සම්බන්ධයෙන් ඊයේ රනිල් වික්රමසිංහ විසින් විශේෂ ප්රකාශයක් සිදුකර තිබිණි.
ඔහු ප්රකාශ කළේ අගමැතිවරයා ලෙස පළාත් සභාවේ මුදල් ස්ථාවර තැන්පතු ලෙස පවත්වාගෙන යෑම සිදු නොකළ යුතු බවට නියෝගයක් නික්තු කරනු ලැබුවේ තමන් විසින් බවය. මීට අදාල සැලකිය යුතු පැහැදිලි කිරීමක් රනිල් වික්රමසිංහ විසින් ඊයේ සිදුකරනු ලැබුවේය.
මේ ප්රකාශය පදනම් කරගෙන රනිල් වික්රමසිංහ හිටපු ජනාධිපතිවරයා අල්ලස් හෝ දූෂණ විමර්ශන කොමිෂන් සභාව විසින් කැඳවනු ලබන්නේ තමන් විසින් සිදුකරන විමර්ශනයට අදාළ තොරතුරු රනිල් වික්රමසිංහ දන්නා බවටත්, අදාළ සිද්ධියට යම් අවස්ථාවක රනිල් වික්රමසිංහ මැදිහත් වී ඇති බවටත් එම ප්රකාශයෙන් හැඟී යන නිසා බව අල්ලස් හෝ දුෂණ චෝදනා විමර්ශන කොමිෂන් සභාව සඳහන් කර ඇත.
ඒ අනුව අදාළ ප්රකාශයෙන් රනිල් වික්රමසිංහ කළ කරුණු තහවුරු කරගැනීමට අදාළ ලේඛන සමඟ අප්රේල් මස 17 වනදා උදෑසන 9.30ට අල්ලස් කොමිසම වෙත පැමිණෙන ලෙස ඔහුට දැනුම්දී ඇත
