ශ්රි ලංකා මුහුදේ දී ගිනි ගත් නිව් ඩයමන්ඩ් තෙල් නැවට මේ වනවිට 21 දෙනකුගෙන් යුතු ගලවා ගැනීමේ කණ්ඩායමක් ගොඩවී අති අතර ඔවුන් මේ වනවිට නැව පරීක්ෂා කරමින් සිටින බව වාර්තා වේ.
ශ්රි ලංකා නාවික හමුදාව රෝයිටර් පුවත් සේවයට පවසා ඇත්තේ මේ වනවිට නාවික හමුදා කණ්ඩායම මෙම නැවේ දැනට තෙල් කාන්දු වන ඉන්ධන ටැංකිය හඳුනාගෙන ඇති අතර එය තවදුරටත් සිදුවීම වැළැකවීමට අදාල පියවර ගැනීම පිළිබඳව සලකා බලමින් සිටින බවය. ඒ අනුව ඔවුන් උත්සාහ කරමින් සිටින්නේ මෙම ඉන්ධන ටැංකියේ ඉන්ධන තොගය හිස් කොට එම කාන්දුව වැළැක්වීමය.
මෙම නැවෙන් කාන්දු වූ තෙල් සෙන්ටිමීටර දෙකක පමණ ඝනකමකින් යුතුව මුහුද ජලය මතුපිට තැන්පත් ව ඇති බවට සමුද්ර දූෂණ මර්දන අධිකාරිය වාර්තා කළ අතර බොහෝ විට මෙම තෙල් පැල්ලමට හේතුව මෙම ඉන්ධන කාන්දුව විය හැකි බවට විශේෂඥයෝ විශ්වාසය පළ කරති.
කෙසේ වුවද නැවේ අභ්යන්තරය පරීක්ෂා කිරීම සඳහා එහි ගින්න නිසා ඇතිව තිබිය හැකි විෂ වායු ඉවත් කොට නිසි පරිදි වාතනය කළ යුතු වුවද මේ වනවිට පවතින මුහුදේ රළු ස්වභාවය නිසා එම කටයුත්ත කවමත් සිදු කරගත නොහැකි බවට මැරිටයිම් එක්සටිව් නැමැති වෙබ් අඩවිය අද රාත්රියේ (12) වාර්තා කළේය.
නැවට ගොඩ වූ කණ්ඩායමේ සාමාජිකයන්ට අනුව මේ වනවිට නැවේ ගිනි ගත් එන්ජින් කාමරය ආශ්රිත කොටස ජලයෙන්පිරී ඇත.
