ඉදුනිල් කහටපිටිය –
සත්ත්ව සාම්පලවල තත්ත්ව පර්යේෂණයන්ට අය කරන මුදලින් රුපියල් මිලියන පහළොවක් වංචාකළ බවට සැකපිට එහි මුදල් අයකැමිවරිය සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කොට තිබේ.
සත්ත්ව නිෂ්පාදන හා සෞඛ්ය දෙපාර්තමේන්තුව මගින් ද අභ්යන්තර පරීක්ෂණය ක් ආරම්භ කරමින් මේ වන විට ඇය වැඩ තහනමකටද ලක් කොට තිබේ.
ගන්නෝරුව පශු පර්යේෂණ ආයතනයේ මුදල් අයකැමි වරිය විසින් මෙම වංචාව සිදුකර ඇති බවට සැක මතු වීමත් සමග එම දෙපාර්තමේන්තුව මගින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබිණි.
වසර 2018 සිට ඇය මෙම වංචාව සිදු කොට ඇති බවටද කුවිතාන්සි පිළිබඳ දත්ත පරිගණක ගත කිරීමේදී වංචනික මුදල් අගයන් යොදමින් ව්යාජ ලෙස දත්ත ඇතුළත් කොට ඇති බවට ද තොරතුරු අනාවරණය වී ඇත.
පෞද්ගලික අංශය මෙන්ම රාජ්ය අංශය ද සතුන් හා සත්ත්ව ආහාර ආනනයේ දී හා අපනයනයේ දී ගෙවීම් සිදුකර මෙම ස්ථානයෙන් වාර්තා ලබා ගැනීම අනිවාර්ය කටයුත්තකි.
මෙයට අමතරව මධ්යම කුකුළු පර්යේෂණායතනයෙන් දිනක් වයසැති කුකුළු පැටවුන් මිලට ගන්නා අවස්ථාවේ දී ද මුදල් ගෙවීම් සිදුකළ යුතු වන්නේ පශු පර්යේෂණ ආයතනයේ මුදල් අයකැමි වෙත ය.
කුකුළු පැටවුන් අදාළ ස්ථානයෙන් ලබා ගැනීමට අවස්ථාව ලැබෙන්නේ මුදල් ගෙවූ බවට මුදල් අයකැමි නිකුත් කරන රිසිට් පත් පෙන්වීමෙන් පසුව ය.
තවද විවිධ රෝග හේතුවෙන් මරණයට පත්වන වන සතුන්, සුරතල් සතුන් සම්බන්ධ පරීක්ෂණ වාර්තා ද නිකුත් කරනු ලබන්නේ මෙම ස්ථානයෙනි.
සුනඛයෙකු සම්බන්ධ පරීක්ෂණ වාර්තාවක් ලබා ගැනීමට පැමිණි පශු වෛද්යවරයෙකු රුපියල් 90000 ක පමණ මුදලක් ඒ සඳහා ගෙවීම් කර තිබෙන අතර අදාළ වාර්තාව අස්ථාන ගතවීම නිසා සුළු කාලයකට පසු ඔහු යළි පැමිණ එහි පිටපතක් ඉල්ලූ අවස්ථාවේ රුපියල් 90000 වෙනුවට ගිණුම්වල රුපියල් 9000 ක් ඇතුළත්ව තිබෙන බව නිරීක්ෂණය වී ඇත.
ඒ ඔස්සේ සිදුකළ පරීක්ෂණ මගින් අනාවරණය වී ඇත්තේ පාරිභෝගිකයා වෙත නිකුත් කරන රිසිට් පතේ සඳහන් මිලට වඩා වෙනස් මිල ගණන් පරිගණක ගත කරමින් ඇය මෙම වංචාව කලක පටන් සිදුකර තිබෙන බවය.
