කොතලාවල විශ්වවිද්යාලයේ සිසු සිසුවියන් පිරිසක් ක්ෂේත්ර චාරිකාවක් සඳහා ගමන් කරමින් සිටි බස් රථයක් බදුල්ල – මහියංගණය මාර්ගයේ දුන්හිද, ප්රවේශ මාර්ගයට නුදුරින් මාර්ගයේ තුන්වැනි සහ හතරවැනි කිලෝමීටර කනු අතර පෙරළි යෑමෙන් සිසුවියන් 02ක් මිය ගොස් තවත් 39ක් තුවාල ලබා තිබේ.
මියගොස් ඇත්තේ ශ්රීමත් ජෝන් කොතලාවල විශ්වවිද්යාලයේ දක්ෂිණ මණ්ඩපයේ සිසුවියන් දෙදෙනෙකි. මේ වනවිට අනතුරින් සිසුන් 08 දෙනෙක් දැඩි සත්කාර ඒකකයේ ප්රතිකාර ලබන අතර ඉන් 05 දෙනෙකුගේ තත්ත්වය බරපතල බව බදුල්ල රෝහල් ආරංචි මාර්ග පවසයි.
බස් රථය පාරෙන් ඉවතට පැන වේල්ලක හැප්පී පෙරළි ගොස් ඇදවැටීමෙන් මෙම අනතුර උදෑසන 08ට පමණ සිදුවී තිබිණි. බස් රථය පෙරළී ගොස් තිබූ ආකාරය අනුව අනතුරට පත් සිසු සිදුවියන් මුදවා ගැනීම සඳහා පැය කීපයක දුෂ්කර මෙහෙයුමක් දරන්නට බදුල්ල පොලිසියට සහ බදුල්ල මහ නගර සභා ගිනි නිවීම් ඒකකයේ නිලධාරීන් සමග එක් වූ ප්රදේශවාසීන්ට සිදුවූ බව වාර්තා වී තිබේ. ක්ෂේත්ර චාරිකාවක නිරතව සිටි සිසුන් පිරිසක් ඇතුළු 41 දෙනෙකු අනතුර සිදුවන අවස්ථාවේ බස් රථයේ ගමන්කරමින් සිට ඇත. බස් රථය කොතලාවල විශ්වවිද්යාලයට අයත් එකකි.
බස් රථය අනතුරට ලක්වී ඇත්තේ පස්සර පැල්ගහතැන්න ප්රදේශයේ සිට රන්දෙනිගල බලා ධාවනය වෙමින් තිබියදීය. අනතුරට හේතුව මෙතෙක් වාර්තා වී නැත. තිරිංග අක්රීයවීමක් හේතුවෙන් පාලනයෙන් මිදුනු බස් රථය මෙම අනතුරට ලක් වන්නට ඇතැයි විශ්වාස කෙරේ.
