සෞඛ්ය අමාත්ය කෙහෙළිය රඹුක්වැල්ලට එරෙහිව විශ්වාසභංග යෝජනාවක් සමගි ජනබලවේගය විසින් අද (21) කථානායක මහින්ද යාපා අබේවර්ධන වෙත භාර දෙනු ලැබුවේය.
සමගි ජන බලවේගය වෙනුවෙන් සමගි ජන බලවේගයේ මහ ලේකම් පාර්ලිමේන්තු මන්ත්රී රංජිත් මද්දුම බණ්ඩාර සහ පාර්ලිමේන්තු මන්ත්රී කාවින්ද ජයවර්ධන විසින් අද පස්වරුවේ එම යෝජනාව කථානායකවරයා අතට පත් කළහ.
“මන්ත්රීවරුන් 50ක් පමණ යෝජනාවට අත්සන් කර තිබෙනවා,” කාවින්ද ජයවර්ධන මාධ්ය වෙත පැවසීය.
විෂය භාර අමාත්යවරයා ලෙස රෝහල්වල ඇතිවි තිබෙනා අර්බුදයට සහ ප්රමිතියෙන් තොර ඖෂධ මිලදී ගැනීමට කෙහෙළිය රඹුක්වැල්ල වගකිව යුතු බව එම යෝජනාවේ දක්වා ඇත.
පාර්ලිමේන්තුවේ ස්ථාවර නියෝග අනුව විශ්වාසභංග යෝජනාවට ප්රමුඛත්වය දිය යුතුව ඇත. එබැවින් කථානායකවරයා විසින් එය පිළිගත් පසු න්යාය පුස්තකයට වහාම එය ඇතුළත් කළ යුතුයි.
මේ අතර අමාත්ය රඹුක්වැල්ල සභාවට ප්රකාශ කළේ යෝජනාව පිළිබඳ දින තුනක විවාදයකට පවා තමන් සූදානම් බවය.
“විවාදය අතරතුර මට හෙළි කිරීමට බොහෝ දේ තිබෙනවා,” ඔහු පැවසීය.
