නැගෙනහිර පළාතේ කෘෂි කර්මාන්තයේ නිරත කාන්තාවන්ගේ ශ්රම දායකත්වය පුළුල් කිරීමේ අරමුණු ඇතිව ළමා සුරැකුම් මධ්යස්ථාන දෙකක් විවෘත පසුගිය දා විවෘත වුනේය.
කෘෂි කර්මාන්තයේ යෙදෙන කාන්තාවන්ගේ දරුවන් සුරක්ෂා කිරීම් අභිලාෂය සහිතව අධ්යාපනඥයින්ගේ සත්කාරක සමූපකාර සංගමයේ ( ECCD ) මූලිකත්වයෙන් මෙම ” ECCD සත්කාර සමුපකාර ළමා සුරැකුම් මධ්යස්ථාන” දෙක දිගාමඩුල්ල දිස්ත්රික්කයේ මහඔය සහ පදියතලාව නගර වලදී ආරම්භ වන්නේ ඉකුත් නොවැම්බර් 13 සහ 14 දෙදින තුළය.
ජාත්යන්තර කම්කරු සංවිධානය (ILO) හා වැඩකරන කාන්තාවන් සඳහා වූ මධ්යස්ථානය (CWW)ද මෙම ව්යාපෘතිය වෙත සහයෝගය දක්වා තිබිණි.
මහඔය හා පදියතලාව ළමා සුරැකුම් මධ්යස්ථාන විවෘත කිරීමට ජාත්යන්තර කම්කරු සංවිධානයේ මෙන්ම වැඩකරන කාන්තාවන් සඳහා වූ මධ්යස්ථානයේ නියෝජිතයෝ ද එකවුහ.
“මෙම මධ්යස්ථාන මගින් ග්රාමීය දරුවන්ගේ මුල් ළමාවිය සංවර්ධනය සහ කාන්තාවන් ආර්ථිකව සවිබල ගැන්වීම ප්රවර්ධනය කරනවා, ඔවුන්ට අවශ්ය ළමාරක්ෂක සේවා සැපයීම මගින් කාන්තාවන්ට වැඩි වැඩ කොටසක් කිරීමට ඉඩ ලැබෙනවා.“යැයි වැඩකරන කාන්තාවන් සඳහා වූ මධ්යස්ථානයේ සභාපතිනිය හා ජාතික කම්කරු කොංග්රසයේ [NWC] ප්රධාන ලේකම් අමාලි කළුපහන සඳහන් කළාය.
එම සංවිධානය මගින් දෙහිඅත්තකණ්ඩිය හා මඩකළපුව නගරයේ තවත් ළමා සුරැකුම් මධ්යස්ථාන දෙකක් පිහිටුවීමට සැලසුම් කර ඇත.
