විදෙස් ගතව සිටින ක්රීඩකයන් විදේශවල ක්රීඩා කරනු ලබන ආකාරය සළකා ලංකාවේ ජාතික මට්ටමේ සංචිතවලට තෝරා ගැනීමේ පදනමක් නැතත් එසේ විදෙස් ගත හිටපු ක්රීඩකයකුගේ දියණියක් ජාතික මට්ටමේ තරගාවලියකට තෝරා ගැනීමේ අවස්ථාවක් වාර්තා වේ.
ලබන සතියේ ආරම්භ කෙරෙන අවුරුදු 23 න් පහළ කාන්තා සිව් කොන් ජාතික සුපර් ලීග් තරගාවලියේ දඹුල්ල කණ්ඩායමට ලිමිනි තිලකරත්න නම් කෙදිනක හෝ දේශීය වශයෙන් ක්රීඩා කර නොමැති 14 හැවිරිදි ක්රීඩිකාවක් කාන්තා ක්රිකට් තේරීම් කමිටුව විසින් තෝරා ගෙන ඇත.
දේශීය වශයෙන් දස්කම් දක්වන ක්රීඩිකාවන්ගෙන් තෝරා ගැනීමේ සම්ප්රදායෙන් මිදී ඕස්ට්රේලියාවේ පදිංචිව එහි ක්රීඩා කරන මෙම ක්රීඩිකාව හිටපු ශ්රී ලංකා ක්රීඩක තිලකරත්න ඩිල්ෂාන්ගේ දියණියයි.
මේ දිනවල ඩිල්ෂාන් තම පවුල සමග ශ්රී ලංකාවේ නිවාඩුවකට පැමිණ සිටින අතර තම දියණියට ඛෙත්තාරාම අධි තාක්ෂණ ඒකකයේ ජාතික පුහුණුකරුවන් යටතේ පුහුණුවීම්ද ලබා දෙයි.
