ගම්පහ, කිරිඳිවිට ප්රදේශයේ යතුරුපැදි අමතර කොටස් අලෙවිසලක හිමියෙකුට තුවාල සිදු කළ වෙඩි තැබීමේ සිද්ධිය, කුප්රකට පාතාල චරිතයක් වන ගණේමුල්ල සංජීව ඝාතනයට සම්බන්ධ බවට සැක කරන බව පොලිසිය අනාවරණය කර ගෙන තිබේ.
මෙම සම්බන්ධතාවයේ ප්රතිඵලයක් ලෙස මෙම අලෙවිසල් හිමියා ඉලක්ක කර ගත් බවට පොලිසිය සැක කරයි.
විදේශයක සිට වෙඩි තැබීම මෙහෙයවූ පුද්ගලයා ලෙස හඳුනාගෙන ඇති ‘තම්මිට සුමිත්’ නම් පුද්ගලයා ඝාතනයට ලක්වූ ගණේමුල්ලේ සංජීවගේ සමීපතමයෙකු බව ද අනාවරණය වී තිබේ.
මාර්තු 8 වන දින රාත්රියේ යතුරුපැදි අමතරකොටස් තුළ සිදු වූ වෙඩි තැබීමකින් 36 හැවිරිදි චාමර නදී සඳරුවන් තුවාල ලැබූ අතර, ඔහු පාතාල චරිතයක් වන කෙහෙල්බද්දර පද්මේගේ සමීපතමයෙකු බව පොලිසිය පැවසීය.
සිද්ධියට පෙර තම්මිට සුමිත් සදරුවන්ට තර්ජනාත්මක දුරකථන ඇමතුම් කිහිපයක් ලබා දී ඇති බව පොලිසිය අනාවරණය කරගෙන තිබේ.
සඳරුවන්ට අමතරව, යතුරුපැදි අමතර කොටස් අලෙවිසලේ සහායකයෙකු වන 30 හැවිරිදි අසිත දේවින්ද ද ප්රහාරයෙන් තුවාල ලබා ඇත.
වින්දිතයින් දෙදෙනාම දැනට වෛද්ය ප්රතිකාර ලබමින් සිටිති.
සිද්ධිය පිළිබඳව වැඩිදුර විමර්ශනය කිරීමට සහ වගකිවයුත්තන් අත්අඩංගුවට ගැනීමට පොලිස් විමර්ශන කණ්ඩායම් හතරක් යොදවා ඇත.
