-
සීනි බදු වංචාවට, ඊ වීසා මගඩියට, කන්ටේනර් 323 සිද්ධියට මොකද වුනේ… පරීක්ෂණ නැත්තේ ඇයිදැයි විපක්ෂය අසයි…
රජය විසින් මිලදී ගන්නට නියමිත කැබ් රථ 1775ක ප්රමාණය සම්බන්ධ ටෙන්ඩර කැඳවීම ප්රසම්පාදන ක්රියාවලියට මුලුමනින්ම එරෙහි බවත් එම ටෙඩන්ඩරය අවලංගු කර වහාම මේ සම්බන්ධව පරීක්ෂණයක් පවත්විය යුතු බවත් සමගි ජන බලවේගයේ පාර්ලිමේන්තු මන්ත්රී ආචාර්ය හර්ෂ ද සිල්වා අද (08) පාර්ලිමේන්තුවේ දී පැවසුවේය.
ඔහු පෙන්වා දුන්නේ ප්රසම්පාදන පිළිවෙත අනුව මෙවැනි ටෙන්ඩරයක් කැඳවීමට දින 42 කාලයක් ලබා දිය යුතු නමුත් ඉලක්ක ගත ආයතනයක් වෙනුවෙන් ටෙන්ඩරය ලබා දීම සඳහා එය දින 12කට සීමා කළා දැයි බරපතල ප්රශ්නයක් පැන නැගී ඇති බවය.
මන්ත්රීවරයා මෙසේ ද පැවසුවේය.
අලුත්ම කතාබහ තමයි මේ ඩබල් කැබ් වැඩේ. 1775 ඩබල් කැබ් ගන්න. අඩු දින ගණනක් දීලා ඩෙන්ඩර් බෙන්ඩර් එකක් කරලා වැඩේ කරන්න යනවා කියලා තමයි අපට ආරංචි වෙන්නේ.
ඊයේ ජනාධිපති තුමා වැඩේ ෂේප් කරන්න හැදුවා. මන්ත්රීලා 225ට පාවිච්චි කරන්න මේ වාහන දෙනවා කියලා කියනවා. ඒ කියන අතරෙදි මේ ඊ ප්රොකියුමන්ට් එක ගැන කතා කරනවා. දූෂණය ගැන කතා කරනවා.
නමුත් ප්රොකියුමන්ට් ගයිඩ් ලයින්වල මොනවද තියෙන්නේ. දින 42ක් දෙන්න ඕන ටෙන්ඩර් එක වහන්න කලින්. නමුත් දුන්නේ දින 12යි. ආයතන කීපයකට අයිති වාසිකමක් තියෙන්න ඕන ටෙන්ඩර් එකකට ඉදිරිපත් වෙන්න. නමුත් ඉතාම පටු කොන්දේසි නිසා කොම්පැනි එකක් හෝ දෙක්ක විතරයි ඉදිරිපත් වෙලා තියෙන්නේ.
තව ප්රශ්න ගණනාවක් තියනවා. මගේ මතය නම් මේ ටෙන්ඩර් එක සස්පේන්ඩ් කරන්න. මේක ඉන්වෙස්ටිගේට් කරන්න. පගා දීලා විපක්ෂයටත් 159ටත් කැබ් දෙනවා කියලා මේ වැඩේ ෂේප් කරගන්න අපි සූදානම් නෑ කියලා ඉතාම ඕනකමින් මම කියන්න කැමතියි.
එමෙන්ම මන්ත්රීවරයා සීනි බදු වංචාව, කන්ටේනර් 323 සිද්ධිය සහ ඊ වීසා අපරාධය සම්බන්ධව මේ වනවිට රජය සිදුකර ඇත්තේ කුමක් දැයි ප්රශ්න කළේය. මන්ත්රීවරයා පෙන්වා දුන්නේ දූෂණ විරෝධී ක්රියාවලිය දේශපාලන පළිගැනීමකට ලඝු කළ යුතු නැති බවය.
මන්ත්රීවරයා මෙසේ ද පැවසුවේය.
මේ වැඩේ දේශපාලන පළි ගැනීමක් නොවිය යුතුයි. අපි කතා කළා සීනි ගනුදෙනුව ගැන. වෙච්චි දෙයක් නෑ. ඊ වීසා ගනුදෙනුව. මාස තුන හමාරක කාලයක දී ඇමරිකානු ඩොලර් මිලියන 1.8ක් එකතු කරලා වැට් එක සහ එස්එස්සීඑල් එක හැටියට… ඒ බදු රජයට ගෙවලා නෑ කියලා ඔඩිටර් ජෙනරාල්ගේ ඔඩිට් රිපෝට් එකේ තියනවා. මුදල් අමාත්යාංශය මේ ගනුදෙනුව කරන්න එපා කියලා තියෙද්දි අන් සොලිසිටඩ් බ්රිඩ් එකක් හරහා ගනුදෙනුව කළා කියලා කියනවා.
කොච්චර අපහසු තාවයක් මත ද පීඩනයක් මත ද අපි මුදල් කමිටුවෙන් පිටු 665ක වාර්තාව මේ පාර්ලිමේන්තුවට ඉදිරිපත් කළේ කියලා.
කන්ටේනර් 323 වාර්තාවට මොකද වුනේ. අඩුම ගානේ කතානායක තුමා ඒ වාර්තාව පාර්ලිමේන්තුවට සභාගත කළා ද?, නෑ. ඩී.එස්.ඩී සෙනවිරත්නගේ නායකත්වයෙන් යුතු ඒ කමිටුව ප්රධාන වශයෙන් කියනවා රතු කන්ටේනර් අනිවාර්යයෙන්ම භෞතික පරීක්ෂාවෙන් තොරව පිට කිරීම වැරදියි කියලා.
රේගුවේ දැවැන්ත තදබදයක් තිබුණා කියලා මේ කන්ටේනර් නිදහස් කළේ ඒ නිසා කියලා කියන කතාව පිළිගන්න බෑ කියනවා. මේ ගනුදෙනුවට සම්බන්ධ අය නම් කරලා ඒකට විරුද්ධව ක්රියා මාර්ග ගන්න කියලා ඒකේ කියනවා. නමුත් ඔබලාගේ රජය ඒ වෙනුවට ඒ නිලධාරීන්ට ප්රමෝෂන් එකක් දුන්න බව තමයි අපට ආරංචි වෙන්නේ.” මන්ත්රීවරයා පැවසුවේය.
