කතෝලික ප්රජාවගේ යහපත වෙනුවෙන් සාධරණයක් ඉටු කරගැනීම සඳහා කාදිනල් තුමා ක්රියා කරන ආකාරය ප්රශස්ථ බවත් ප්රසංශනීය බවත් මේ රට තුළ එතුමා අපේක්ෂා කරන සාධාරණය ඉටු කරගැනීමට නොහැකි නම් ඒ සඳහා ජාත්යාන්තරය අභිමුවට යෑම අතිශය සාධාරණ පුරවැසි අයිතියක් බවත් ආචාර්ය ඕමල්පේ සෝබිත නා හිමියෝ පවසති.
උන්වහන්සේ මේ බව දන්වා කළ ප්රකාශයක් අද රූපවාහිනී නාලිකාවල විකාශය විය.
එහිදී උන්වහන්සේ වඩාත් පැහැදිලිව මෙසේ පැවසූහ.
“ බෞද්ධයන්ගේ ප්රශ්නවල දී බෞද්ධ නායකත්වය නිසි පිරිදි පෙනී සිටියෙ නැත කියන එක ඇත්ත. ඒ සම්බන්ධව කණගාටු දායක අතීතයක් අපට තියෙන්නේ.
නමුත් කතෝලික ප්රජාවගේ යහපත වෙනුවෙන් කාදිනල් තුමා ඉදිරිපත් වී ක්රියා කරන මේ විදිහ ඔවුන්ට සාධාරණත්වය ඉටු කරගැනීම සඳහා කාදිනල්තුමා ඉදිරිපත් වී ඇති ආකාරය ක්රියා කරන මේ ආකාරය ප්රශස්ථයි. ප්රසංශනීයයි. ඒකයි නායකත්වයේ ලක්ෂණය.
එතුමා ඇතුළු වගකිවයුත්තන්නට පෙනී යනවා නම් වත්මන් රජයේ ක්රියාකාරිත්වය මගින් සාධාරණයක් ඉටු වෙන්නෙ නෑ කියලා අදාල බලධාරීන්ට පූර්ණ අයිතියක් තියනවා ජාත්යාන්තරයට හෝ ගිහින් මේකට සාධාරණයක් ඉල්ලන්න.
ගෙදර ප්රශ්නයක් දෙන්න දෙමාල්ලො දූ දරුවො එකතු වෙලා විසඳගන්න බැරිම තැන තමයි පොලිසි යන්නෙ. උසාවි යන්නෙ. එය අප තේරුම් ගත යුතුයි.
ශ්රී ලංකාව තුළ මේකට සාධාරණයක් හිමිවෙන්නෙ නැතිනම් ඔවුන්ට අයිතියක් තියනවා ලෝකයට යන්න. ඒක තමයි පුරවැසි හිමිකම. ඒක තමයි ප්රජාතන්ත්රීය අයිතිය. ඒක තමයි මානව හිමිකම.
ඒ හිමිකම යටතේ එතුමා ක්රියා කරනවා නම් ඒ ගැන කිසිම ගැටලුවක් ඇති වෙන්නේ නෑ.
