අයිසීසියේ දූෂණ මර්ධන ඒකකයේ ප්රධානියාවන ඇලෙක්ස් මාෂල් පසුගියදා ශ්රී ලංකාවේ කරන ලද සංචාරයෙන් පසු ක්රීඩා අමාත්යවරයාට යෝජනා කිහිපයක් ඉදිරිපත් කර ඇතැයි වාර්තා වේ.
මින් ප්රධානතම යෝජනාව ලෙස වාර්තා වන්නේ දැනට ක්රියාත්මක වන තාක්ෂණික උපදේශන කමිටුවේ එක්තරා සාමාජිකයකු ඉන් ඉවත් කිරීම සම්බන්ධව ය.
මෙම හිටපු ටෙස්ට් ක්රිකට් ක්රීඩකයා අයිසීසියේ අධීක්ෂණයට ලක්ව ඇති ක්රීඩකයකු බැවින් ක්රිකට් ආයතනයේ ක්රිකට් පිළිබඳ ගනු ලබන තීරණ සම්බන්ධයෙන් ගැටලුවක් අයිසීසියට ඇති බවත් පැවසේ.
මෙම උපදේශන කමිටුව මීට වසරකට පෙර පත් කරන ලද්දේ ක්රීඩා අමාත්යවරයා විසිනි.
ක්රිකට් ආයතනයට පුහුණුකරුවන් බඳවා ගැනීමද සිදු කරන ලද්දේ මෙම කමිටුව මගිනි.
මෙම කමිටුවට අයත්ව සිටි රොෂාන් මහානාම මීට සති කිහිපයකට පෙර පෞද්ගලික හේතූන් මත ඉල්ලා අස්විය.
කමිටුවේ සෙසු සාමාජිකයන් වනුයේ අරවින්ද ද සිල්වා ( සභාපති) , කුමාර් සංගක්කාර, මුත්තයියා මුරලිදරන්, ටොම් මූඩි හා රුවන් කෑරගලයි.
ක්රීඩා කවුන්සිලයේ සභාපති ලෙස මහේල ජයවර්ධන මෙහි තීරණ පිළිබඳව මැදිහත් කරුවකු ලෙස කටයුතු කරයි.
