සුමිත් පොතුපිටිය –
පහරදීමක් හේතුවෙන් රෝහල් ගතකර සිටියදී මියගිය කළුතර බන්ධනාගාර රැඳවියාගේ මරණය සම්බන්ධයෙන් කළුතර නාගොඩ ශීක්ෂණ රොහලේ පැවැත්වූ පශ්චාත් මරණ පරීක්ෂණයෙන් පසු අද පස්වරුවේ විවෘත තීන්දුවක් ලබාදී තිබේ.
කළුතර නාගොඩ ශීක්ෂණ රෝහලේ විශේෂඥ අධිකරණ වෛද්ය නිළධාරී ශ්රියන්ත අමරරත්න ගේ ප්රධානත්වයෙන් පශ්චාත් මරණ පරීක්ෂණය පවත්වා ඇත.
මියගොස් ඇත්තේ කළුතර, මල්වත්ත බන්ධනාගාරයේ රඳවා සිටි මෝල්කාව , කරවිට ප්රදේශයේ පදිංචිව සිටී 46 හැවිරිදි සිටි පී.ජී. සුනිල් නමැති රැඳවියෙකි.
ඔහු යතුරුපැදි සොරකමක් සම්බන්ධයෙන් අත්අඩංගුවට ගෙන අධිකරණයට ඉදිරිපත් කර රිමාන්ඩ් බන්ධනාගාර ගතකිරීමෙන් පසු කළුතර බන්ධනාගාරයේ සී වාට්ටුවේ රඳවා සිටීයදී ඉකුත් 24 දා පස්වරුවේ මෙම පහරකෑමට ලක් වී ඇති බව ඇති බව සදහන් වේ.
මියගොස් ඇති තැනැත්තා බන්ධනාගාරයට ඇතුළත් කළ දිනයේ සිට නොසන්සුන්කාරී අන්දමින් හැසිරී ඇති බව බන්ධනාගාර නිලධාරීන් සඳහන් කර සිටී.
මෙම පුද්ගලයා රඳවා සිටී සී වාට්ටුවෙන් පිටතට පැමිණීමට උත්සාහ කිරීමේ දී වාට්ටුව ඉදිරිපිට ඔහු සහ තවත් රැඳවියන් කිහිප දෙනෙකු අතර පොරබැදීමක් සිදුව ඇති බවත්, ඔහු ඇදවැටී ඇති බවත් සඳහන්වේ.
සිද්ධියෙන් බරපතල තුවාල ලද පුද්ගලයා කළුතර නාගොඩ ශීක්ෂණ රෝහලේ 5 වාට්ටුවේ නේවාසිකව ප්රතිකාර ලබමින් සිටියදී ඊයේ (26) අළුයම මියගොස් තිබුණි.
සිද්ධිය සම්බන්ධයෙන් කළුතර බන්ධනාගාරයෙන් දැනුවත් කිරීමෙන් පසු කළුතර උතුර පොලිසිය ද ඊයේ සිද්ධිය සම්බන්ධව පරීක්ෂණයක් ආරම්භ කළේය.
ඒ අනුව කළුතර උතුර අපරාධ අංශ ස්ථානාධිපති වරයා ඇතුළු නිලධාරීන් කණ්ඩායමක් කළුතර බන්ධනාගාරය වෙත ගොස් පරීක්ෂණ ආරම්භ කර ඇත.
කළුතර අපරාධ ස්ථාන පරීක්ෂණාගාර නිළධාරීන් ද බන්ධනාගාරය වෙත ගොස් ස්ථානීය පරීක්ෂණයක් සිදුකළ අතර , මහේස්ත්රාත් පරීක්ෂණයක්ද සිදුකර ඇති බව පොලිසිය කීය.
එම ස්ථානයේ ආරක්ෂක කැමරාවක් සවිකර ඇතත් එය මේ වනවිට අක්රීය තත්වයේ පවතින බවද පොලිසිය පවසයි .
මේ වනවිට සිද්ධිය සම්බන්ධයෙන් වගකිව යුතු බන්ධනාගාර නිළධාරීන්ගෙන් , සිරකරුවන් සහ රිමාන්ඩ් බන්ධනාගාරයේ පසුවන රැඳවියන්ගෙන්ද පොලිසිය විසින් ප්රකාශ ලබාගෙන තිබේ.
ජේෂ්ඨ පොලිස් අධිකාරී ප්රසන්න බ්රාහ්මණගේ , සහකාර පොලිස් අධිකාරී සුනෙත් ශාන්තගේ උපදෙස් පරිදි , ස්ථානාධිපති ප්රධාන පොලිස් පරීක්ෂක දමිත් ජයතිලක මහතාගේ මෙහෙයවීමෙන් , අපරාධ අංශ ස්ථානාධිපති පොලිස් පරීක්ෂක ඩබ්ලිව්.එව්.ඩී. වික්රමාරච්චි සහ සැරයන් ඩබ්ලිව්.ඒ.පී ජයලාල් (42259) ඇතුළු නිළධාරීන් පරීක්ෂණ පවත්වති
