කෂඩ පොලිස්“ “ටුවරිම්“ කුඩු කරයි… සංචාරක සංවර්ධන  ප්‍රධානියා පොලිස්පතිට ලියයි…

ගාල්ල ඉන්ධන පිරවුම්හලකදී යතුරුපැදියකින් පැමිණි සංචාරකයෙකු සහ පොලිස් නිලධාරියෙකු අතර ඊයේ (02)  ඇති වූ සිද්ධියක් සම්බන්ධයෙන් ශ්‍රී ලංකා සංචාරක සංවර්ධන අධිකාරිය පොලිස්පතිවරයා වෙත ලිපියක් යොමුකර තිබේ.

ට්විටර් මාධ්‍ය ජාලය හරහා  පලවන  එම වීඩියෝ පටයේ දැක්වෙන්නේ පොලිස් නිලධාරියා ඉන්ධන ලබා දීම ප්‍රතික්ෂේප කරමින් එම සංචාරකයා පලවා හරින ආකාරයයි.

Rupees are printed in plain papers and has no value. Dollars have to be earned. Banning of Qatar fund was lifted overnight when @kanchana_wij visited Qatar. You think tourist will ever come back to be treated this way. @fernandoharin @RW_UNP @GotabayaR pic.twitter.com/jX5Qcnfc2c

— bilalfassy (@bilalfassy) July 2, 2022

පොලිස් නිලධාරියා ක්‍රියා කළ ආකාරය අපකීර්තිමත් වන අතර එය සමස්ත ශ්‍රී ලංකාවේ පොලිස් හමුදාවටම අහිතකර  ප්‍රකාශනයක් බව    ශ්‍රී ලංකා සංචාරක සංවර්ධන අධිකාරියේ සභාපති  ප්‍රියන්ත ප්‍රනාන්දු පොලිස්පතිවරයාට ලිපියක් යවමින් දන්වා සිටී.

සිදුවෙමින් පවතින හානිය අවම කර ගැනීමට සහ හානියට ප්‍රතිපූර්ණ කරගැනීමට    උපරිම ප්‍රචාරයක් ලබා දෙන නිල ප්‍රකාශයක් කළ හැකි ස්තුතිවන්ත වන බව සංචාරක සංවර්ධන අධිකාරියේ  සභාපතිවරයා පොලිස්පතිවරයාට ලිඛිත ඉල්ලිමක් කරමින්  දන්වයි.

එය ලිඛිත ප්‍රකාශයක් හෝ වීඩියෝ පටිගත කිරීමක් විය හැකි අතර එය යූ ටියුබ් සහ වෙනත් සමාජ මාධ්‍ය වේදිකාවල ප්‍රචාරය කළ හැකි බවත් සභාපතිවරයා පොලිස්පතිවරයාට කියයි.