ප්රවීණ පුවත්පත් කලාවේදී ඒ.ඩි රංජිත් කුමාර අද දිවි සැරියෙන් සමුගත්තේය. මියයන විට හේ 77වන වියේ පසුවිය.
ඒ.ඩී. රංජිත් කුමාර සරසවිය හා සරසි යන සතිපතා පුවත්පත්වල කර්තෘධුරය හොබවූ පරිණත මාධ්යකරුවෙකි.
දශක පහක පමණ කාලයක් පුරා දේශපාලන ක්ෂේත්රය ඇතුළු ජනමාධ්යයේ කටයුතුවල කටයුතු කළ ඔහු කොස්ගස්හන්දිය, ගාමිණී හෙළ සිනමා සක්විති, රුක්මණී දේවි යුගයක ස්වර්ණ ගීතය, සිංහල සිනමාවේ රිදී රේඛාව, නොව පැරණිය ලිපිසරණිය ඇතුළු පොත් ගණනාවක කතුවරයා ද වේ.
හෙතෙම හෙළ සිනමාව පිළිබඳ දැනුම් කෝෂ්ඨාගාරයක් වූවා මෙන්ම පෘථුල පර්යේෂකයෙක් ද වූයේය. රාජ්ය සාහිත්ය සම්මාන උළෙලේ උපදේශක මණ්ඩලයේ සාමාජිකයකු වූ ඔහු සරසවිය චිත්රපට උළෙලේ සහ සුමති ටෙලි සම්මාන උළෙලේ ප්රධාන සංවිධායකවරයා ලෙස ද කටයුතු කළේය.
එමෙන්ම සුමති සමාගම් සමූහයේ ක්රියාකාරී අධ්යක්ෂ ධුරයද හොබවමින් ලක්බිම පුවත්පත බිහි කිරීමට ඔහු කළ විශිෂ්ට දායකත්වය පිළිබඳ වෙනම කතාවක් ඇත.
හෙට (11) එනම් සෙනසුරාදා උදෑසන 8ට ගල්කිස්ස මහින්ද මල්ශාලාවේ දේහය තැන්පත් කරනු ඇත.
ඔහුගේ අවසන් කැමැත්ත අනුව හෙට (11) උදෑසන 10ට කොතලාවල සරසවියේ වෛද්ය පීඨයට සිරුර බාර දෙනු ඇත.
